ఇషా జట్టు పసిడి గుర.. 25 మీ. కేటగిరీలో మను, దివ్యతో కలిసి గోల్డ్‌ మెడల్‌

హైదరాబాద్‌ షూటర్‌ ఇషా సింగ్‌ అంతర్జాతీయ వేదికపై మరోసారి సత్తాచాటింది. ఐఎస్‌ఎస్‌ఎఫ్‌ వరల్డ్‌ చాంపియన్‌షిప్స్‌లో భారత్‌కు స్వర్ణం అందించింది. మంగళవారం జరిగిన మహిళల 25 మీటర్ల పిస్టల్‌ టీమ్‌ ఈవెంట్‌లో ఇషా..

• వ్యక్తిగత విభాగంలో నిరాశ

దోహా : హైదరాబాద్‌ షూటర్‌ ఇషా సింగ్‌ అంతర్జాతీయ వేదికపై మరోసారి సత్తాచాటింది. ఐఎస్‌ఎస్‌ఎఫ్‌ వరల్డ్‌ చాంపియన్‌షిప్స్‌లో భారత్‌కు స్వర్ణం అందించింది. మంగళవారం జరిగిన మహిళల 25 మీటర్ల పిస్టల్‌ టీమ్‌ ఈవెంట్‌లో ఇషా.. మను భాకర్‌, దివ్య సుబ్బరాజుతో కలిసి బంగారు పతకం గెలుచుకుంది. ఫైనల్‌లో భారత త్రయం 1761 పాయింట్లు స్కోరుచేసి పసిడి నెగ్గగా సౌత్‌ కొరియా (1748)కు రజతం, వియ త్నాం (1745) కాం స్యం సాధించాయి. ఫైనల్‌లో ఇషా 590 పాయింట్లు స్కోరు చేయగా మను 587, దివ్య 584 పాయింట్లు స్కోరుచేసి దేశానికి స్వర్ణకాంతులు పంచారు.

ఒలింపిక్‌ బెర్తులు మిస్‌

టీమ్‌ ఈవెంట్‌లో రాణించినా కీలకమైన వ్యక్తిగత విభాగాల్లో మాత్రం ఇషా, మనుకు నిరాశ తప్పలేదు. మహిళల 25 మీటర్ల పిస్టల్‌ ఇండివిడ్యూయల్‌ ఈవెంట్‌ ఫైనల్లో భాకర్‌ 4వ స్థానంతో కొద్దిలో పతకం కోల్పోగా.. ఇషా 8వ స్థానంలో సరిపెట్టుకుంది. ఫైనల్‌లో పతకం గెలిస్తే 2028 ఒలింపిక్స్‌ కోటాను దక్కించుకునే అవకాశమున్న నేపథ్యంలో ఈ ఇద్దరూ ఆశలురేపినా ఫైనల్‌లో తడబడి నిరాశగా వెనుదిరిగారు.