గెలుపు దిశగా హైదరాబాద్‌

తమిళనాడులో జరుగుతున్న బుచ్చిబాబు టోర్నీ సెమీఫైనల్‌లో హైదరాబాద్‌ గెలుపు దిశగా పయనిస్తున్నది.

చెన్నై: తమిళనాడులో జరుగుతున్న బుచ్చిబాబు టోర్నీ సెమీఫైనల్‌లో హైదరాబాద్‌ గెలుపు దిశగా పయనిస్తున్నది. చెన్నైలో హర్యానాతో జరుగుతున్న మ్యాచ్‌లో హైదరాబాద్‌.. ప్రత్యర్థి ఎదుట 272 పరుగుల లక్ష్యాన్ని నిర్దేశించింది.

అయితే రెండో ఇన్నింగ్స్‌లో హర్యానా మూడో రోజు ఆట ముగిసే సమయానికి 6 పరుగులకే రెండు కీలక వికెట్లు కోల్పోయి కష్టాల్లో పడింది. హైదరాబాద్‌ తొలి ఇన్నింగ్స్‌లో 225 రన్స్‌ చేయగా హర్యానా 208 పరుగులకే కుప్పకూలింది. అనంతరం రెండో ఇన్నింగ్స్‌లో హైదరాబాద్‌ 254కు ఆలౌట్‌ అయింది.