MI vs RCB : ముంబై ఇండియన్స్ స్వల్ప వ్యవధిలో నాలుగు వికెట్లు కోల్పోయింది. అలిసా పెర్రీ ఓవర్లో హర్మన్ప్రీత్ కౌర్(2) బౌల్డ్ అయింది. ప్రస్తుతం అమేలియా కేర్ (10), పూజా వస్త్రాకర్ (2) క్రీజులో ఉన్నారు. 11 ఓవర్లు ముగిసే సరికి ముంబై స్కోర్.. 85/4. ఆ జట్టు విజయానికి 54 బంతుల్లో 41 పరగులు కావాలి.
అంతకుముందు ఓవర్లో నాట్ సీవర్ బ్రంట్(13) ఔటయ్యింది. ఆశా శోభన ఓవర్లో కీపర్ రీచా క్యాచ్ పట్టడంతో బ్రంట్ వెనుదిరిగింది. ఓపెనర్ హేలీ మాథ్యూస్(24)ను రెండో వికెట్గా మేగన్ షట్ పెవిలియన్ పంపింది. ఓపెనర్ యస్తిక భాటియా(30)ను శ్రేయాంక పాటిల్ ఔట్ చేసింది. మిడాఫ్లో స్మృతి మంధాన సూపర్ క్యాచ్ పట్టడంతో యస్తిక వెనుదిరిగింది.