GT vs PBKS | రాణించిన గిల్, బట్లర్.. పంజాబ్‌ను ఊరిస్తున్న లక్ష్యం..!

GT vs PBKS : పంతొమ్మిదో సీజన్‌ తొలి మ్యాచ్‌లో గుజరాత్ టైటాన్స్ మోస్తరు స్కోర్‌కే పరిమితమైంది. కెప్టెన్ శుభ్‌మన్ గిల్‌(39), జోస్ బట్లర్(38)లు రాణించారు.

GT vs PBKS : పంతొమ్మిదో సీజన్‌ తొలి మ్యాచ్‌లో గుజరాత్ టైటాన్స్ మోస్తరు స్కోర్‌కే పరిమితమైంది. ముల్లన్పూర్‌లో పంజాబ్ కింగ్స్ బౌలర్ల ధాటికి హిటర్లు చేతులెత్తేయగా కెప్టెన్ శుభ్‌మన్ గిల్‌(39), జోస్ బట్లర్ (38)లు రాణించారు. బట్లర్ ఔటయ్యాక బ్యాట్ ఝులిపించే వాళ్లు లేకపోవడంతో గుజరాత్ నిర్ణీత ఓవర్లలో 6 వికెట్ల నష్టానికి 162 పరుగులు చేసింది.

ఐపీఎల్‌ పంతొమ్మిదో సీజన్‌లో గుజరాత్ టైటాన్స్‌ శుభారంభాన్ని సద్వినియోగం చేసుకోలేకపోయింది. ఓపెనర్లు సాయి సుదర్శన్‌(13), శుభ్‌మన్ గిల్(39)లు రాణించినా.. సొంత మైదానంలో పంజాబ్ కింగ్స్ బౌలర్ల ధాటికి గుజరాత్ మిడిలార్డర్ తేలిపోయింది. సాయిని ఔట్ చేసిన యాన్సెన్ తొలి బ్రేకివ్వగా.. జోస్ బట్లర్‌(38)తో కలిసి గిల్ ఆదుకునే ప్రయత్నం చేశాడు. కానీ, చాహల్ ఓవర్లో అతడు కొన్నొల్లి చేతికి చిక్కడంతో వీరి భాగస్వామ్యానికి తెరపడింది.

Big wicket for @PunjabKingsIPL 💥@yuzi_chahal with the 2️⃣2️⃣2️⃣nd wicket of his #TATAIPL career ☝🏼#GT 89/2 in 11 overs

Updates ▶️ https://t.co/75rCxTCOL1#KhelBindaas | #PBKSvGT pic.twitter.com/COatldEYKs

— IndianPremierLeague (@IPL) March 31, 2026

అనంతరం గ్లెన్ ఫిలిప్స్(25) మెరుపు బ్యాటింగ్‌తో అలరించి స్కోర్‌బోర్డును ఉరికించాడు. అయితే.. విజయ్‌కుమార్ ఓవర్లో అతడు అర్ష్‌దీప్ చేతికి చిక్కగా.. కాసేపటికే చాహల్ బౌలింగ్‌లో సిక్సర్‌కు యత్నించిన బట్లర్ బౌండరీ లైన్ వద్ద బార్ట్‌లెట్ పైకెగిరి క్యాచ్ అందుకోవడంతో వెనుదిరిగాడు. ఆ తర్వాత పంజాబ్ బౌలర్లు మరింత కట్టుదిట్టంగా బంతులు సంధించగా వాసింగ్టన్ సుందర్‌(18), షారుక్ ఖాన్‌(4), రాహుల్ తెవాటియా (11నాటౌట్)లు బౌండరీలు కొట్టేందుకు ఇబ్బంది పడ్డారు. చివరి ఓవర్లో అర్ష్‌దీప్ వైడ్స్ వేయడంతో గుజరాత్ 6 వికెట్లు కోల్పోయి 162 పరుగులు చేయగలిగింది.