Visit:
ఫాక్స్బరో: వరల్డ్కప్లో వరుసగా రెండో విజయంతో నాకౌట్ చేరుకోవాలని ఆశించిన ఇంగ్లండ్ను ఘనా ఇబ్బంది పెట్టింది. గ్రూప్-ఎల్లో భాగంగా ఇరు జట్ల మధ్య జరిగిన మ్యాచ్ గోల్ లేకుండా 0-0తో డ్రా అయింది. వర్షం అంతరాయం మధ్య సాగిన ఈ పోరులో ఇంగ్లిష్ టీమ్ బంతిని పూర్తిగా తమ నియంత్రణలోనే ఉంచుకున్నా.. టార్గెట్పై నాలుగు సహా మొత్తంగా 19 షాట్లు కొట్టినా ఘనా బలమైన డిఫెన్స్ను ఛేదించలేకపోయింది. చివరి నిమిషాల్లో అనేక అవకాశాలు లభించినా వాటిని గోల్గా మలచడంలో ఇంగ్లండ్ విఫలమైంది. 86 నిమిషంలో ఇంగ్లండ్ ప్లేయర్ నికో రీలీ నెట్ దగ్గరి నుంచి కొట్టిన హెడ్డర్ షాట్ క్రాస్ బార్కు తగిలింది. రీబౌండ్ అయిన బాల్ను అందుకున్న కెప్టెన్ హ్యారీ కేన్ ఎడమ కాలుతో కొట్టిన షాట్ కూడా మిస్సయింది. మరోవైపు తొలి నిమిషం నుంచే ఇంగ్లండ్ ఫార్వర్డ్స్ను బ్లాక్ చేసి ప్రత్యర్థిని విసిగించాలన్న తమ కోచ్ ప్లాన్ను ఘనా పక్కాగా అమలు చేసి ఓ పాయింట్ దక్కించుకుంది.
