Visit:
FIFA World Cup 2026 | ఫిఫా వరల్డ్ కప్ 2026 రౌండ్ ఆఫ్ 16 మ్యాచ్లలో ఘన విజయాలు సాధించిన ఫ్రాన్స్, మొరాకో జట్లు క్వార్టర్ ఫైనల్స్లోకి అధికారికంగా అడుగుపెట్టాయి. అమెరికాలోని ఫాక్స్బరో స్టేడియంలో జరగబోయే ఈ ప్రతిష్టాత్మక పోరులో ఈ రెండు జట్లు సెమీఫైనల్ బెర్త్ కోసం తలపడనున్నాయి.
రౌండ్ ఆఫ్ 16 ఉత్కంఠభరిత పోరులో పరాగ్వేపై ఫ్రాన్స్ 1-0 తేడాతో విజయం సాధించింది. మ్యాచ్ 70వ నిమిషంలో ఫ్రాన్స్ జట్టు కెప్టెన్ కైలియన్ ఎంబాపే పెనాల్టీ ద్వారా అందించిన ఏకైక గోల్ ఆ జట్టును క్వార్టర్స్ చేర్చింది. మరోవైపు టోర్నమెంట్ సహ-ఆతిథ్య దేశమైన కెనడాను మొరాకో పూర్తిగా ఏకపక్షంగా ఓడించింది. మొరాకో ఆటగాడు ఉనాహి రెండు అద్భుతమైన గోల్స్ చేయగా, రహిమి మరో గోల్ జోడించి 3-0తో జట్టుకు ఘన విజయాన్ని అందించారు.
ఈ టోర్నమెంట్లో మొట్టమొదటి క్వార్టర్ ఫైనల్ జోడీగా నిలిచిన ఫ్రాన్స్, మొరాకో మ్యాచ్ అమెరికా కాలమానం ప్రకారం జూలై 9 రాత్రి 9 గంటలకు (జిలెట్ స్టేడియం, ఫాక్స్బరో) జరగనుంది. భారత కాలమానం ప్రకారం ఈ మ్యాచ్ జూలై 10 తెల్లవారుజామున 1 గంటలకు ప్రసారం కానుంది.
