Australian Open 2024 | గ్రాండ్‌స్లామ్ విజేత‌లకు గ‌డ్డుకాలం.. క్వాలిఫ‌య‌ర్ రౌండ్ దాటుతారా..?

Australian Open 2024 : ప్ర‌తిష్ఠాత్మ‌క‌ ఆస్ట్రేలియన్ ఓపెన్ టోర్నీకి కౌంట్‌డౌన్ మొద‌ల‌య్యింది. వ‌చ్చే ఏడాది జ‌న‌వ‌రిలో జ‌రిగే ఈ టోర్నీతో ర‌ఫెల్ నాద‌ల్(Rafeal Nadal), నొవామి ఒసాకా(Naomi Osaka) వంటి స్టార్లు పున‌రామనం చేస్తుండ‌గా.. ఈసారి క్వాలిఫ‌య‌ర్‌లో ఇద్ద‌రు గ్రాండ్‌స్లామ్ విజేత‌లు పోటీ ప‌డుతుండ‌డం...

Australian Open 2024 : ప్ర‌తిష్ఠాత్మ‌క‌ ఆస్ట్రేలియన్ ఓపెన్ టోర్నీకి కౌంట్‌డౌన్ మొద‌ల‌య్యింది. వ‌చ్చే ఏడాది జ‌న‌వ‌రిలో జ‌రిగే ఈ టోర్నీతో ర‌ఫెల్ నాద‌ల్(Rafeal Nadal), నొవామి ఒసాకా(Naomi Osaka) వంటి స్టార్లు పున‌రామనం చేస్తుండ‌గా.. టాప్ సీడ్స్ నొవాక్ జ‌కోవిచ్(Novak Djokovic), ఇగా స్వియాటెక్ టైటిల్‌పై క‌న్నేశారు. ఈసారి క్వాలిఫ‌య‌ర్‌లో ఇద్ద‌రు గ్రాండ్‌స్లామ్ విజేత‌లు పోటీ ప‌డుతుండ‌డం విశేషం.

మ‌హిళ‌ల విభాగంలో ఎమ్మా రాడుకాను(Emma Radukanu), పురుషుల సింగిల్స్‌లో డొమ్నిక్ థీమ్(Dominic Theim)లు క్వాలిఫ‌య‌ర్ బ‌రిలో నిలిచారు. వీళ్లిద్ద‌రూ యూఎస్ ఓపెన్ చాంపియ‌న్లు కావ‌డం విశేషం. నిరుడు ఆస్ట్రేలియన్ ఓపెన్ సింగిల్స్ విజేత అలినా కొర్నీవా కూడా క్వాలిఫ‌య‌ర్‌లో అదృష్టాన్ని పరీక్షించుకోనుంది.

BIG names confirmed for AO 2024 qualifying 👀https://t.co/TsML21QoNX

— #AusOpen (@AustralianOpen) December 22, 2023

రెండేండ్ల క్రితం క్వాలిఫ‌య‌ర్ రౌండ్‌లో అద‌ర‌గొట్టిన‌ రాడుకాను యూఎస్ ఓపెన్‌కు అర్హ‌త సాధించింది. ఏమాత్రం అంచనాలు లేకుండా బ‌రిలోకి దిగిన ఆమె ఏకంగా ట్రోఫీనే ఎగ‌రేసుకుపోయింది. ఫైన‌ల్లో కెనడాకు చెందిన లేలాహ్ ఫెర్నాండేజ్‌ను 6-4, 6-3తో ఓడించి చాంపియ‌న్‌గా అవ‌త‌రించింది. అయితే.. నిరుడు ఏప్రిల్‌లో గాయాల బారిన ప‌డిన రాడుకాను దాదాపు ఏడాది కాలంగా రాకెట్ ముట్ట‌లేదు. మ‌ణిక‌ట్టు, కాలిమ‌డిమ స‌ర్జ‌రీల త‌ర్వాత కోలుకున్న ఆమె ఈమ‌ధ్యే కోర్టులో అడుగుపెట్టింది.

ర‌ఫెల్ నాద‌ల్, నొవామి ఒసాకా

మాజీ వ‌ర‌ల్డ్ నంబ‌ర్ 3 అయిన థీమ్ కూడా మ‌ణిక‌ట్టు గాయంతో కొన్ని రోజులు ఆట‌కు దూర‌మ‌య్యాడు. ఈ మ‌ధ్యే పునరాగ‌మ‌నం చేసిన థీమ్ ఆడిన ఆరు మ్యాచుల్లో నాలుగింట గెలిచాడు. అంతేకాదు ఈ యువ‌కెర‌టం ప్యారిస్ మాస్ట‌ర్స్‌లో మూడుసార్లు గ్రాండ్‌స్లామ్ విజేత స్టాన్ వావ్రింకాను మ‌ట్టిక‌రిపించాడు.

ఇవి కూడా చ‌ద‌వండి

• Dunki Movie | రికార్డు ధ‌ర‌కు అమ్ముడుపోయిన ‘డంకీ’ ఓటీటీ రైట్స్.!
• Road accident | ప్రాణం తీసిన వేగం.. రాయదుర్గంలో కారు ప్రమాదం, ఒకరు మృతి, ముగ్గురికి గాయాలు
• Virat Kohli: స్వదేశానికి కోహ్లీ.. సిరీస్‌ నుంచి రుతురాజ్‌ ఔట్‌.. తొలి టెస్టుకు ముందే భారత్‌కు వరుస షాకులు