Sven Goran Eriksson | ‘నాకు క్యాన్సర్ ఉంది.. ఏడాది బ‌తుకుతానంతే’ : ఇంగ్లండ్ మాజీ కోచ్

Sven Goran Eriksson : ఇంగ్లండ్ ఫుట్‌బాల్ జ‌ట్టు మాజీ కోచ్ స్వెన్ గోర‌న్ ఎరిక్స‌న్(Sven Goran Eriksson) అభిమానుల‌కు షాకింగ్ న్యూస్ చెప్పాడు. త‌న‌కు క్యాన్స‌ర్ ఉంద‌ని, ఎక్కువ రోజులు బ‌త‌క‌న‌ని 75 ఏండ్ల ఎరిక్స‌న్ తెలిపాడు. దాంతో ఫ్యాన్స్   నిజమా? అని...

Sven Goran Eriksson : ఇంగ్లండ్ ఫుట్‌బాల్ జ‌ట్టు మాజీ కోచ్ స్వెన్ గోర‌న్ ఎరిక్స‌న్(Sven Goran Eriksson) అభిమానుల‌కు షాకింగ్ న్యూస్ చెప్పాడు. త‌న‌కు క్యాన్స‌ర్ ఉంద‌ని, ఎక్కువ రోజులు బ‌త‌క‌న‌ని  75 ఏండ్ల ఎరిక్స‌న్ తెలిపాడు. దాంతో ఫ్యాన్స్   ‘నిజమా?’ అని ఆశ్చ‌ర్యపోతున్నారు. స్వీడ‌న్‌కు చెందిన ‘రేడియో 1’లో మాట్లిడిన ఎరిక్స‌న్.. ‘నాకు జ‌బ్బు చేసింద‌నే విష‌యం అంద‌రికీ తెలుసు. అది క్యాన్స‌ర్ అని వాళ్ల‌కు తెలుసు. అయితే.. నిర్ధారించుకునేందుకు స‌మ‌యం ప‌ట్టింది’ అని తెలిపాడు.

‘నేను ఈమ‌ధ్య ఒక్క‌సారిగా కింద‌ప‌డిపోయాను. అనంత‌రం టెస్టులు చేయించుకుంటే క్యాన్స‌ర్ ఉంద‌ని వైద్యులు చెప్పారు. ఏడాది మాత్రమే బ‌తికే అవకాశ‌ముంద‌ని చెప్పారు. ఆరోగ్యం స‌హ‌క‌రించ‌డం లేద‌నే కార‌ణంతోనే జ‌నంతో క‌ల‌వడం మానేశాను. సాధ్య‌మైన‌న్ని రోజులు ఆ మ‌హ‌మ్మారితో పోరాడుతాను’ అని వెల్ల‌డించాడు.

 

View this post on Instagram

 

A post shared by England football team (@england)

ఇంగ్లండ్ జ‌ట్టుకు తొలి విదేశీ కోచ్‌గా గుర్తింపు పొందిన‌ ఎరిక్స‌న్ నాలుగేండ్ల పాటు సేవ‌లందించాడు. డేవిడ్ బెక్‌హ‌మ్, స్వీవెన్ గెర్రాడ్, వేన్ రూనీ వంటి స్టార్ ఆట‌గాళ్ల‌కు విలువైన స‌ల‌హాలు, సూచ‌న‌లు ఇచ్చాడు. అత‌డి హ‌యాంలో ఇంగ్లండ్ 2002, 2006 వ‌ర‌ల్డ్ క‌ప్‌లో అద్భుతంగా ఆడింది.

అయితే.. రెండు ప‌ర్యాయాలు క్వార్ట‌ర్ ఫైన‌ల్లోనే ఓట‌మితో ఇంటిదారి ప‌ట్టింది. ఇక 200 4లో జ‌రిగిన యూరోపియ‌న్ చాంపియ‌న్‌షిప్స్‌లోనూ ఇంగ్లండ్ క్వార్ట‌ర్స్‌లో వెనుదిరిగింది. బెన్‌ఫికా, రోమాతో పాటు మాంచెస్ట‌ర్ సిటీ క్లబ్‌ల‌కు ఎరిక్స‌న్ కోచ్‌గా ప‌నిచేశాడు. అత‌డు చివ‌రిసారిగా 2018-19లో ఫిలీప్పీన్స్ జాతీయ జ‌ట్టుకు కోచ్‌గా సేవ‌లందించాడు.

ఇవి కూడా చ‌ద‌వండి

• Malaysia Open | క్వార్ట‌ర్ ఫైన‌ల్లో సాత్విక్ – చిరాగ్ జోడీ.. రెండో రౌండ్‌లోనే శ్రీ‌కాంత్ ఔట్
• Vande Bharat Train | వందే భారత్ ప్రయాణికులకు పాడైన ఆహారం.. డబ్బులు వెనక్కి ఇవ్వాలని డిమాండ్‌