Visit:
న్యూఢిల్లీ : ఐటీటీఎఫ్‌ వరల్డ్‌ టేబుల్‌ టెన్నిస్‌ చాంపియన్‌షిప్‌లో భారత్‌కు పతకం ఖరారైంది. శనివారం జరిగిన బాలికల అండర్‌-15 సింగిల్స్‌ క్వార్టర్స్‌లో దివ్యాంశి భౌమిక్‌ 11-9, 13-11, 10-12, 9-11, 11-9, 11-7తో కొకో ఇషిదా(జపాన్‌)పై అద్భుత విజయంతో సెమీఫైనల్లోకి దూసుకెళ్లింది.
నువ్వానేనా అన్నట్లు సాగిన పోరులో ఆసియా క్యాడెట్‌ చాంపియన్‌ దివ్యాంశి సత్తాచాటింది. ప్రత్యర్థికి దీటైన పోటీనిస్తూ గేమ్‌గేమ్‌కు మెరుగైన ఆటతీరుతో ఆకట్టుకుంది. ఈ క్రమంలో ప్రపంచ యూత్‌ టీటీ టోర్నీలో పయాస్‌ జైన్‌(21), సుహానా సైనీ(21) తర్వాత మూడో పతకం ఖాయం చేసుకున్న భారత ప్లేయర్‌ దివ్యాంశి నిలిచింది.
