భారత్‌ను ఆదుకున్న జురెల్‌, పడిక్కల్‌

కెప్టెన్‌ ధృవ్‌ జురెల్‌ (99 బ్యాటింగ్‌), దేవ్‌దత్‌ పడిక్కల్‌ (80) రాణించడంతో న్యూజిలాండ్‌-ఏతో జరుగుతున్న రెండో అనధికారిక టెస్టులో భారత్‌-ఏ తొలిరోజు గౌరవప్రదమైన స్కోరు చేసింది.

క్రైస్ట్‌చర్చ్‌: కెప్టెన్‌ ధృవ్‌ జురెల్‌ (99 బ్యాటింగ్‌), దేవ్‌దత్‌ పడిక్కల్‌ (80) రాణించడంతో న్యూజిలాండ్‌-ఏతో జరుగుతున్న రెండో అనధికారిక టెస్టులో భారత్‌-ఏ తొలిరోజు గౌరవప్రదమైన స్కోరు చేసింది. ఈ ఇద్దరికి తోడు ఓపెనర్‌ సాయి సుదర్శన్‌ (41) నిలకడగా ఆడటంతో మొదటి రోజు ఆట ముగిసే సమయానికి భారత్‌-ఏ 7 వికెట్లు నష్టపోయి 291 రన్స్‌ చేసింది. జైస్వాల్‌ మరోసారి డకౌట్‌ అయ్యాడు. ప్రస్తుతం జురెల్‌తో పాటు ఆకాశ్‌ దీప్‌ (25 బ్యాటింగ్‌) క్రీజులో ఉన్నారు. కివీస్‌ బౌలర్లలో ఫ్రేసర్‌ షీట్‌ (4/50) నాలుగు వికెట్లు పడగొట్టాడు.