Dhoni: 0.6 సెక‌న్ల‌లోనే స్ట‌న్నింగ్ క్యాచ్ ప‌ట్టిన ధోనీ.. వీడియో

Dhoni: ధోనీ స్ట‌న్నింగ్ క్యాచ్ పట్టాడు. విజ‌య్ శంక‌ర్ బ్యాట్‌కు త‌గిలి .. కుడి దిశ‌గా వెళ్తున్న బంతిని.. ధోనీ డైవ్ చేస్తూ అందుకున్నాడు. కేవ‌లం 0.6 సెక‌న్ల‌లోనే ఆ క్యాచ్ ప‌ట్టేశాడ‌త‌ను.

చెన్నై: ధోనీ(Dhoni)లో వేగం త‌గ్గ‌లేదు. కీపింగ్‌లో త‌న ట్యాలెంట్ ఏంటో మ‌ళ్లీ చూపించాడు. ఐపీఎల్‌లో చెన్నై జ‌ట్టు కీప‌ర్‌గా మిస్ట‌ర్ కూల్‌.. ఓ అద్భుత‌మైన క్యాచ్ అందుకున్నాడు. గుజ‌రాత్ టైటాన్స్‌తో మంగ‌ళ‌వారం జ‌రిగిన మ్యాచ్‌లో.. క‌ళ్లు చెదిరే రీతిలో ఆ క్యాచ్ ప‌ట్టేశాడు. కేవ‌లం 0.6 సెక‌న్ల‌లోనే ఆ బంతిని అందేసుకున్నాడు. ఇక క్యాచ్‌ను వీక్షించిన స్టేడియంలోని ప్రేక్ష‌కులు, అభిమానులు .. ధోనీ కీపింగ్ సామ‌ర్థ్యానికి ఫిదా అవుతున్నారు.

డారెల్ మిచ్చెల్ వేసిన బంతి.. విజ‌య్ శంక‌ర్ బ్యాట్‌ను ముద్దాడి.. చాలా వేగంగా కీప‌ర్‌కు కుడి దిశ‌గా వెళ్లింది. అయితే వేగంగా వెళ్తున్న ఆ బంతిని ధోనీ అంతే స్పీడ్‌గా అందుకున్నాడు. కుడి వైపు డైవ్ చేస్తూ క్యాచ్‌ను ప‌ట్టేశాడు. ఆ బంతిని అందుకునేందుకు ధోనీ వ‌ద్ద కేవ‌లం 0.6 సెక‌న్ల స‌మ‌యం మాత్ర‌మే ఉంది. ఆ టైమ్‌లోనూ అత‌ను ఆ క్యాచ్‌ను అందుకున్నాడు. థ్రిల్లింగ్‌గా ఉన్న ఆ క్యాచ్ వీడియోను మీరూ వీక్షించండి.

𝗩𝗶𝗻𝘁𝗮𝗴𝗲 𝗠𝗦𝗗 😎

An excellent diving grab behind the stumps and the home crowd erupts in joy💛

Head to @JioCinema and @StarSportsIndia to watch the match LIVE#TATAIPL | #CSKvGT pic.twitter.com/n5AlXAw9Zg

— IndianPremierLeague (@IPL) March 26, 2024

ఫ‌స్ట్ బ్యాటింగ్ చేసిన చెన్నై సూప‌ర్ కింగ్స్ జ‌ట్టు నిర్ణీత ఓవ‌ర్ల‌లో ఆరు వికెట్ల న‌ష్టానికి 206 ర‌న్స్ చేసింది. ఛేజింగ్‌లో గుజ‌రాత్ జ‌ట్టు కేవ‌లం 143 ర‌న్స్ మాత్ర‌మే చేసింది. దీంతో చెన్నై 63 ర‌న్స్ తేడాతో నెగ్గింది.