Footballer breaks leg : ఆటలో గెలుపు ఓటములే కాదు ఊహించని గాయాలు కూడా భాగమే. తాజాగా ఓ యువ ఫుట్బాలర్(Young Footballer) తీవ్ర గాయంతో మైదానం వీడాడు. ప్రత్యర్థి ఆటగాడు బలంగా కాలితో తొక్కడంతో అతడి కాలు విరిగిపోయింది. అవును.. కోపా లిబెర్టడోర్స్ టోర్నీ(Copa Libertadores)లో భాగంగా జరిగిన మ్యాచ్లో మ్యాచ్లో ఈ విషాదం చోటు చేసుకుంది. బ్రెజిల్ ఫ్లుమినెన్స్(Brazil Fluminense) జట్టు ఆటగాడు మార్సెలో(Marcelo) అనుకోకుండా ప్రత్యర్థి జట్టు అర్జెంటినోస్ జూనియర్స్(Argentinos Juniors) డిఫెండర్ లుసియానో సాంచెజ్(Luciano Sanchez) ఎడమ కాలు గట్టిగా తొక్కాడు.
ఆట 56వ నిమిషంలో బంతిని తన్నబోయిన సమయంలో ఈ సంఘటన జరిగింది. దాంతో, లుసియానో ఒక్కసారిగా కుప్పకూలిపోయి నొప్పితో విలవిలలాడాడు. ఊహించని సంఘటనతో మార్సెలో షాక్ తిన్నాడు. వెంటనే వైద్య సిబ్బంది మైదానంలోకి పరుగెత్తుకుంటూ వచ్చారు. లూసియానోను పరీక్షించిన వైద్యులు , కాలు విరిగిపోయినట్టు గుర్తించారు. అతను కోలుకునేందుకు 8 నెలల నుంచి 12 నెలలు పట్టనుందని సమాచారం.
Dios mio https://t.co/LO8ezSX3Oe pic.twitter.com/V9a24dYGBu
— Usuarios siendo domados (@sindicatodedom4) August 1, 2023
బాధ భరించలేక ఏడుస్తున్న లూసియానోను చూసి మార్సెలో కంటతడి పెట్టుకున్నాడు. ఏడుస్తూనే మైదానం వీడాడు. ‘నేను ఈరోజు మైదానంలో నేను చాలా కష్టమైన పరిస్థితిని ఎదుర్కొన్నా. సహచర ఫుట్బాలర్ను కావాలని గాయపరచలేదు. లుసియానో సాంచెజ్.. నువ్వు తొందరగా కోలుకోవాలని ఆ దేవుడిని ప్రార్ధిస్తున్నా’ అని మార్సెలో సోషల్మీడియాలో పోస్ట్ చేశాడు. అతడి పోస్ట్పై అర్జెంటీనా క్లబ్ స్పందిస్తూ.. ‘మనం ప్రత్యర్థులం. శత్రువులం కాదు’ అని కామెంట్ చేసింది. ఈ మ్యాచ్లో ఇరుజట్లు చెరొక గోల్ కొట్టాయంతే. దాంతో, 1-1తో మ్యాచ్ డ్రాగా ముగిసింది.