Visit:
BCCI : స్వదేశంలో దక్షిణాఫ్రికా చేతిలో టెస్టు సిరీస్‌లో వైట్‌వాష్‌ను భారత అభిమానులు జీర్ణించుకోలేకపోతున్నారు. సీనియర్ల రిటైర్మెంట్‌తో వారి స్థానాన్ని భర్తీ చేయగల క్రికెటర్లు కరువవ్వడంతో టీమిండియా చావుదెబ్బ తిన్నదనేది కాదనలేని వాస్తవం. కుర్రాళ్ల నిలకడలేమి, కోచ్ గంభీర్ ప్రయోగాలు బెడిసికొట్టడంతో భారత జట్టు డబ్ల్యూటీసీ (WTC 2025-27)లో ఐదో ర్యాంక్‌కు పడిపోయింది. ఈ పరిస్థితుల్లో మళ్లీ పూర్వవైభవం రావాలంటే విరాట్ కోహ్లీ (Virat Kohli), రోహిత్ శర్మ(Rohit Sharma)లను వీడ్కోలు నిర్ణయం వెనక్కి తీసుకోవాలని పలువురు అభిప్రాయపడుతున్నారు. రాంచీ వన్డేలో కోహ్లీ సెంచరీతో చెలరేగిన వేళ.. అతడిని మళ్లీ టెస్టులు ఆడేందుకు ఒప్పించేందుకు బీసీసీఐ సిద్ధమవుతుందనే వార్తలు వినిపిస్తున్నాయి.
ఇటీవలే ఇంగ్లండ్ గడ్డపై సిరీస్ సమం చేసిన భారత జట్టు స్వదేశంలో వెస్టిండీస్‌ను క్లీన్‌స్వీప్ చేసింది. సీనియర్లు లేకున్నా కుర్రాళ్లు అదరగొట్టారని మురిసిపోతున్న వేళ.. అనూహ్యంగా డబ్ల్యూటీసీ ఛాంపియన్ దక్షిణాఫ్రికా జోరుకు బదులివ్వలేక సిరీస్ సమర్పించుకుంది. కోలకతా, గువాహటి టెస్టులో ఓటమిని విశ్లేషిస్తే జట్టులో అనుభవజ్ఞులు లేని లోటు స్పష్టంగా కనిపించింది. అందుకని టీమ్‌ను మళ్లీ బలోపేతం చేయడం కోసం సినీయర్ విరాట్ కోహ్లీ వీడ్కోలుపై పునరాలోచన చేయాలని బీసీసీఐ కోరిందనే కథనాలు మీడియాలో వస్తున్నాయి. ఈ నేపథ్యంలో సెక్రటరీ దేవజిత్ సైకియా అవన్నీ వదంతులే అని కొట్టిపారేశాడు.
𝐕𝐢𝐫𝐚𝐭 𝐊𝐨𝐡𝐥𝐢 𝐚𝐬𝐤𝐞𝐝 𝐭𝐨 𝐜𝐨𝐦𝐞 𝐨𝐮𝐭 𝐨𝐟 𝐓𝐞𝐬𝐭 𝐫𝐞𝐭𝐢𝐫𝐞𝐦𝐞𝐧𝐭? 𝐁𝐂𝐂𝐈 𝐫𝐞𝐚𝐜𝐭𝐬 𝐭𝐨 𝐫𝐮𝐦𝐨𝐮𝐫𝐬
The Board of Control for Cricket in India secretary Devajit Saikia has dismissed rumours that the board has approached Virat Kohli to make a U-turn… pic.twitter.com/Vqei24qmMu
— IndiaToday (@IndiaToday) November 30, 2025
‘టెస్టుల్లో విరాట్ పునరాగమనం గురించి మీరు వింటున్న వార్తలన్నీ అవాస్తవాలే. ఈ విషయం గురించి విరాట్‌తో మేము ఎలాంటి చర్చలు జరపలేదు. గాలి వార్తలకు ప్రాధాన్యం ఇవ్వకండి. కోహ్లీ, మా మధ్య చర్చలు జరుగలేదు’ అని సైకియా తెలిపాడు. అయితే.. ఇంగ్లండ్ మాజీ కెప్టెన్ కెవిన్ పీటర్సన్ (Kevin Pieterson) మాత్రం విరాట్, రోహిత్ యూటర్న్‌కు సిద్ధంగా ఉంటే తీసుకోవడం మంచిదని అంటున్నాడు. ప్రస్తుతం సుదీర్ఘ ఫార్మాట్‌లో టీమిండియా పుంజుకోవాలంటే వీరిద్దరిని తీరిగి తీసుకోవాలని పీటర్సన్ పేర్కొన్నాడు.
‘They must play’: Kevin Pietersen backs Virat Kohli and Rohit Sharma if they want to return to Test cricket https://t.co/EmC4cjI9ai
— Business Upturn (@businessupturn) November 30, 2025
ఛాంపియన్స్‌ ట్రోఫీలో భారత్‌ను విజేతగా నిలిపిన రోహిత్ శర్మ, విరాట్ కోహ్లీలు జూన్‌లో టెస్టులకు వీడ్కోలు పలికారు. ఆస్ట్రేలియా గడ్డపై పెద్దగా రాణించని వీరిపై సెలెక్టర్లు, కోచ్ గంభీర్ ఒత్తిడి చేసి ఉంటారని.. అందుకే వీరు వైదొలిగారని టాక్. రోకో వీడ్కోలుతో.. 31వ టెస్టు సారథిగా శుభ్‌మన్ గిల్ (Shubman Gill) ఇంగ్లండ్ పర్యటనను ఆరంభించాడు. ఐదు మ్యాచ్‌ల సిరీస్‌లో రెండు సెంచరీలతో మెరిసిన గిల్.. దక్షిణాఫ్రికాతో కోల్‌కతా టెస్టులో మెడకు గాయంతో సిరీస్‌కు దూరమయ్యాడు. అతడి గైర్హాజరీలో సారథిగా వ్యవహరించిన రిషభ్ పంత్ (Rishabh Pant) ఏమాత్రం మెప్పించలేకపోయాడు. ఇక బ్యాటింగ్‌లో కీలకమైన మూడో స్థానంపై, తుది జట్టు ఎంపికలో గంభీర్ ప్రయోగాలు చేయడం జట్టు విజయాలపై ప్రభావం చూపాయి.
🚨🚨🚨Big BREAKING.
-BCCI is somewhere thinking to bring back Virat Kohli in test Cricket. [Source -Cricbuzz]. pic.twitter.com/XYlMl9fS2x— Manvendra Sharma (@Manvendra__17) November 30, 2025
