మేమేమైనా చారిటీ మ్యాచ్‌ ఆడామా?

బంగ్లాదేశ్‌, పాకిస్థాన్‌ మధ్య శుక్రవారం జరిగిన రెండో వన్డేలో పాక్‌ బ్యాటర్‌ సల్మాన్‌ అలీ అఘా రనౌట్‌ వివాదాస్పదమవడంతో అతడితో పాటు ఆ జట్టు క్రికెటర్లు, మాజీలు క్రీడా స్ఫూర్తి గురించి మాట్లాడుతున్న వేళ బంగ్లా బ్యాటర్‌ లిటన్‌ దాస్‌ ఆసక్తికర వ్యాఖ్యలు చేశాడు.

ఢాకా: బంగ్లాదేశ్‌, పాకిస్థాన్‌ మధ్య శుక్రవారం జరిగిన రెండో వన్డేలో పాక్‌ బ్యాటర్‌ సల్మాన్‌ అలీ అఘా రనౌట్‌ వివాదాస్పదమవడంతో అతడితో పాటు ఆ జట్టు క్రికెటర్లు, మాజీలు క్రీడా స్ఫూర్తి గురించి మాట్లాడుతున్న వేళ బంగ్లా బ్యాటర్‌ లిటన్‌ దాస్‌ ఆసక్తికర వ్యాఖ్యలు చేశాడు. తామేమీ చారిటీ మ్యాచ్‌ ఆడలేదంటూ ఘాటుగా సమాధానమిచ్చాడు. దాస్‌ స్పందిస్తూ.. ‘ముందుగా నేను అందరికీ ఒక్కటే చెప్పదలుచుకున్నా. మేం ఇక్కడికి చారిటీ లీగ్‌ ఆడేందుకు రాలేదు. ఇది అంతర్జాతీయ మ్యాచ్‌. అది (అఘా రనౌట్‌) నిబంధనల ప్రకారమే జరిగింది. అందులో క్రీడాస్ఫూర్తి ఎక్కడుందో నాకు అర్థం కావడం లేదు ’ అని స్పష్టం చేశాడు.