Asian Continental Qualification | ఆర్చ‌ర్ ధీర‌జ్‌కు ర‌జ‌తం.. ప్యారిస్ ఒలింపిక్స్ బెర్తు ఖ‌రారు

Asian Continental Qualification : భార‌త యువ ఆర్చ‌ర్ ధీర‌జ్ బొమ్మ‌దేవ‌ర(Dhiraj Bommadevara) బ్యాంకాక్‌లో జ‌రుగుతున్న‌ ఆసియా కాంటినెంట‌ల్ క్వాలిఫికేష‌న్ టోర్న‌మెంట్‌లో ర‌జ‌త ప‌త‌కంతో మెరిశాడు. దాంతో ఈ 22 ఏండ్ల విలుకాడు ప్యారిస్ ఒలింపిక్స్(Paris Olympics) బెర్తు..

Asian Continental Qualification : భార‌త యువ ఆర్చ‌ర్ ధీర‌జ్ బొమ్మ‌దేవ‌ర(Dhiraj Bommadevara) బ్యాంకాక్‌లో జ‌రుగుతున్న‌ ఆసియా కాంటినెంట‌ల్ క్వాలిఫికేష‌న్ టోర్న‌మెంట్‌లో ర‌జ‌త ప‌త‌కంతో మెరిశాడు. దాంతో ఈ 22 ఏండ్ల విలుకాడు ప్యారిస్ ఒలింపిక్స్(Paris Olympics) బెర్తు కూడా ద‌క్కించుకున్నాడు. దాంతో, మ‌న‌దేశం నుంచి 2024 విశ్వ‌క్రీడ‌ల‌కు అర్హ‌త సాధించిన తొలి ఆర్చ‌ర్‌గా గుర్తింపు సాధించాడు. ఫైన‌ల్లో చైనీస్ తైపీకి చెందిన జిహ్ సియాంగ్ లిన్‌తో పోటీప‌డిన ధీర‌జ్ 5-6 (29-28, 27-29, 28-28, 30-28, 25-26) (9-10) పాయింట్ల‌తో రెండో స్థానంలో నిలిచాడు.

భార‌త సీనియ‌ర్ ఆర్చ‌ర్ త‌రుందీప్ రాయ్ ఎనిమిదో స్థానంతో స‌రిపెట్టుకున్నాడు. కానీ, ధీర‌జ్ అంచ‌నాల‌కు మించి రాణించి ఫైన‌ల్‌కు దూసుకెళ్లాడు. హోరాహోరీగా సాగిన‌ క్వార్ట‌ర్ ఫైన‌ల్లో అత‌డు ఇరాన్ ఆర్చ‌ర్ స‌దేగ్ అష్ర‌ఫీ బ‌విలీని ఓడించాడు. ఆ త‌ర్వాత జ‌రిగిన సెమీఫైన‌ల్లో ఇరాన్‌కే చెందిన మ‌హ‌మ్మ‌దోసీన్ గొల్షానీని చిత్తు చేశాడు.

నిరాశ‌ప‌రిచిన అంకిత‌

ఇక మ‌హిళ‌ల వ్య‌క్తిగ‌త‌ విభాగంలో భార‌త ఆర్చ‌ర్లు ఒలింపిక్స్ ద‌క్కించుకోలేక‌పోయారు. భారీ అంచ‌నాలతో బ‌రిలోకి దిగిన‌ అంకిత భ‌క‌త్(Ankita Bhakat) క్వార్ట‌ర్ ఫైన‌ల్లోనే వెనుదిరిగింది. ఉజ్బెకిస్థాన్ ఆర్చ‌ర్ జియోద‌ఖాన్ అబ్దుస‌త్తరోవా చేతిలో 4-6 (29-23, 27-27, 24-25, 27-27, 24-26తో ఓట‌మి పాలైంది.

ఇవి కూడా చ‌ద‌వండి

• CWC 2023: కొత్త రికార్డులు సృష్టిస్తున్న వరల్డ్ కప్.. వన్డే ఫార్మాట్ సేఫ్

• Game Changer | మెగా ఫ్యాన్స్​కు మళ్లీ నిరాశ.. వాయిదా పడ్డ ‘గేమ్​ ఛేంజర్’ సాంగ్

• Canada: కెన‌డాలో గ్యాంగ్‌వార్‌.. సిక్కు తండ్రీకొడుకుల కాల్చివేత‌