Game Changer | మెగా ఫ్యాన్స్​కు మళ్లీ నిరాశ.. వాయిదా పడ్డ ‘గేమ్​ ఛేంజర్’ సాంగ్

Game Changer | టాలీవుడ్​ స్టార్​ హీరో రామ్​ చరణ్ (Ram Charan)​​, త‌మిళ స్టార్ డైరెక్టర్ శంకర్ (Shankar) కాంబోలో తెరకెక్కుతున్న లేటెస్ట్ మూవీ 'గేమ్ ఛేంజర్. దిల్ రాజ్ భారీ బ‌డ్జెట్‌తో నిర్మిస్తున్న ఈ సినిమా ప్రస్తుతం షూటింగ్​ దశలో ఉంది. అయితే ఈ మూవీ షూటింగ్ మొద‌లైన ద‌గ్గ‌ర‌నుంచి ఇప్ప‌టివ‌ర‌కు ఒక్క అప్‌డేట్ రాలేదు.

Game Changer | టాలీవుడ్​ స్టార్​ హీరో రామ్​ చరణ్ (Ram Charan)​​, త‌మిళ స్టార్ డైరెక్టర్ శంకర్ (Shankar) కాంబోలో తెరకెక్కుతున్న లేటెస్ట్ మూవీ ‘గేమ్ ఛేంజర్. దిల్ రాజ్ భారీ బ‌డ్జెట్‌తో నిర్మిస్తున్న ఈ సినిమా ప్రస్తుతం షూటింగ్​ దశలో ఉంది. అయితే ఈ మూవీ షూటింగ్ మొద‌లైన ద‌గ్గ‌ర‌నుంచి ఇప్ప‌టివ‌ర‌కు ఒక్క అప్‌డేట్ రాలేదు. ఈ క్ర‌మంలోనే ఈ మూవీ నుంచి ఒక సాంగ్ కూడా లీక్ అయ్యింది.

ఇక ఈ సాంగ్ లీక్ కార‌ణంగా గతంలో చాలా ట్రెండ్ అయ్యింది. దీంతో లీగల్ యాక్షన్​ తీసుకున్న మూవీ టీమ్​.. వీలైనంత త్వరగా ఈ సాంగ్​ను విడుదల చేయాలని ప్లాన్ చేసింది. ఇందులో భాగంగా ఒక అప్‌డేట్ కూడా ఇచ్చింది. ఈ మూవీ నుంచి ఫ‌స్ట్ సింగిల్ జ‌ర‌గండి అనే సాంగ్‌ను దీపావ‌ళికి విడుదల చేయ‌నున్న‌ట్లు ప్ర‌క‌టించింది. దీంతో మెగా ఫ్యాన్స్ అంతా సంబరాలు చేసుకున్నారు. ఈ సాంగ్ ఎప్పుడు వ‌స్తుందా అంటూ క‌ళ్లు కాయ‌లు కాచేలా ఎదురు చూశారు. అయితే మెగా ఫ్యాన్స్‌కు బ్యాడ్ న్యూస్ చెబుతూ.. మేకర్స్ తాజాగా మ‌రో ప్ర‌క‌ట‌న విడుద‌ల చేశారు.

ఈ సాంగ్‌ను మొద‌ట‌ దీపావళికి రిలీజ్ చేస్తామంటూ మేకర్స్ ప్రకటించిన విష‌యం తెలిసిందే. తాజాగా ఈ సాంగ్ రిలీజ్ ఇప్పుడు వాయిదా పడింది. ఈ విషయాన్ని మూవీ టీమ్ సోష‌ల్ మీడియాలో వెల్లడిస్తూ.. ఆడియో డాక్యుమెంటేషన్​లో సమస్యలు వచ్చాయని.. ప్రస్తుతానికి రిలీజ్​ను వాయిదా వేసి త్వరలోనే కొత్త డేట్ ని ప్రకటిస్తామని తెలిపింది. ఇక ‘గేమ్ ఛేంజర్’ సినిమా అభిమానులని మెప్పిస్తుందని, సినిమా కోసం చాలా మంది వర్క్ చేస్తున్నారని, మీకు బెస్ట్ ఇస్తామని మూవీ టీమ్ పేర్కొంది.

#GameChanger pic.twitter.com/UhrDpTrg9W

— Sri Venkateswara Creations (@SVC_official) November 11, 2023