Aaryavir Sehwag: ఆర్య‌వీర్ సెహ్వాగ్ సెంచ‌రీ

Aaryavir Sehwag: ఆర్య‌వీర్ సెహ్వాగ్ సెంచ‌రీ బాదాడు. మెన్స్ అండ‌ర్‌-19 ఆసియాక‌ప్‌లో యూఏఈతో జ‌రుగుతున్న మ్యాచ్‌లో అత‌ను 131 బంతుల్లోనే సెంచ‌రీ పూర్తి చేశాడు. ఆ సెంచ‌రీలో 13 ఫోర్లు, రెండు సిక్స‌ర్లు ఉన్నాయి.

అల్ అమిరత్‌: వీరేంద్ర సెహ్వాగ్ కుమారుడు ఆర్య‌వీర్ సెహ్వాగ్(Aaryavir Sehwag) సెంచ‌రీ కొట్టాడు. మెన్స్ అండ‌ర్‌-19 ఆసియాక‌ప్‌లో ఇవాళ యూఏఈతో జ‌రుగుతున్న మ్యాచ్‌లో అత‌ను సెంచ‌రీ బాదాడు. టాస్ గెలిచిన యూఏఈ ముందుగా ఫీల్డింగ్ ఎంచుకున్న‌ది. అయితే భార‌త ఓపెన‌ర్ ఆర్య‌వీర్‌.. త‌న‌దైన శైలిలో బ్యాటింగ్ చేశాడు. అత‌ను 131 బంతుల్లోనే సెంచ‌రీ పూర్తి చేశాడు. ఆ సెంచ‌రీలో 13 ఫోర్లు, రెండు సిక్స‌ర్లు ఉన్నాయి. ఇండియ‌న్ కెప్టెన్ ల‌క్ష్య రాయ్‌చందానీ 17 ర‌న్స్ చేసి ఔట‌య్యాడు. తాజా స‌మాచారం ప్ర‌కారం ఇండియా అండ‌ర్ 19 జ‌ట్టు 36 ఓవ‌ర్ల‌లో వికెట్ న‌ష్టానికి 175 ర‌న్స్ చేసింది. రెండు రోజుల క్రితం పాకిస్థాన్‌తో జ‌రిగిన మ్యాచ్‌లో ఇండియా 3 వికెట్ల తేడాతో ఓడిన విష‌యం తెలిసిందే. ఇవాళ్టి మ్యాచ్‌లో నెగ్గిన జ‌ట్టు సెమీస్‌కు వెళ్తుంది.

Leading the charge at the top of the order 👊

An impressive 𝗛𝗨𝗡𝗗𝗥𝗘𝗗 by Aaryavir Sehwag 💯

Updates ▶️ https://t.co/M0EJVCkM56

#MensU19AsiaCup https://t.co/lntDRlo5F2

— BCCI (@BCCI) November 10, 2026