14నఉప్పల్‌లో భారత్‌-వెస్టిండీస్‌ టీ20 మ్యాచ్‌..

భారత్‌- వెస్టిండీస్‌ మధ్య అక్టోబర్‌ 14న ఉప్పల్‌ స్టేడియంలో జరిగే టీ20 మ్యాచ్‌ చూసేందుకు 2 వేల మంది ప్రభుత్వ హైస్కూల్‌ విద్యార్థులకు ఉచితంగా టికెట్లు ఇవ్వనున్నట్లు హైదరాబాద్‌ క్రికెట్‌ సంఘం (హెచ్‌సీఏ) కార్యదర్శి జీవన్‌ రెడ్డి ప్రకటించారు. దాదాపు రెండేండ్ల తర్వాత నగరంలో జరగబోతున్న అంతర్జాతీయ మ్యాచ్‌కు ఏర్పాట్లు ప్రారంభించామని బుధవారం నిర్వహించిన మీడియా సమావేశంలో చెప్పారు.

• 2 వేల మంది ప్రభుత్వ హైస్కూల్‌ విద్యార్థులకు ఫ్రీ ఎంట్రీ

హైదరాబాద్‌, ఆట ప్రతినిధి: భారత్‌- వెస్టిండీస్‌ మధ్య అక్టోబర్‌ 14న ఉప్పల్‌ స్టేడియంలో జరిగే టీ20 మ్యాచ్‌ చూసేందుకు 2 వేల మంది ప్రభుత్వ హైస్కూల్‌ విద్యార్థులకు ఉచితంగా టికెట్లు ఇవ్వనున్నట్లు హైదరాబాద్‌ క్రికెట్‌ సంఘం (హెచ్‌సీఏ) కార్యదర్శి జీవన్‌ రెడ్డి ప్రకటించారు. దాదాపు రెండేండ్ల తర్వాత నగరంలో జరగబోతున్న అంతర్జాతీయ మ్యాచ్‌కు ఏర్పాట్లు ప్రారంభించామని బుధవారం నిర్వహించిన మీడియా సమావేశంలో చెప్పారు.

ఉప్పల్‌ స్టేడియంలో గతంలో ఉన్న విద్యుత్‌ సమస్యలన్నింటినీ పూర్తిగా పరిష్కరించామని, మ్యాచ్‌ సాఫీగా జరిగేలా ప్రత్యేకంగా గ్రౌండ్‌స్టాఫ్‌, ఇతర సిబ్బందిని సిద్ధం చేస్తున్నామని జీవన్‌ రెడ్డి తెలిపారు. ఇక, గ్రామీణ ప్రాంతాల్లో క్రికెట్‌ మౌలిక వసతుల కల్పనకు ప్రాధాన్యమిస్తున్నట్లు ్డ చెప్పారు. మహబూబ్‌నగర్‌, కరీంనగర్‌లో గ్రౌండ్లు సిద్ధంగా ఉన్నాయని, త్వరలోనే రెండు అకాడమీలను ప్రారంభించి పూర్తిస్థాయి మౌలిక వసతులు కల్పిస్తామని స్పష్టం చేశారు. కాగా, హెచ్‌సీఏ కొత్త కార్యవర్గానికి ఎన్నికలు నవంబర్‌ నెలలో జరిగే అవకాశం ఉందని జీవన్‌రెడ్డి పేర్కొన్నారు.