Blood clots new test : ఈ పరీక్షతో రక్తం గడ్డకట్టడాన్ని గుర్తించొచ్చు.. ఎడిన్‌బర్గ్‌ పరిశోధకుల అభివృద్ధి

Blood clots new test : శరీరంలో రక్తం గడ్డకట్టడాన్ని గుర్తించేందుకు శాస్త్రవేత్తలు సరికొత్త పరీక్షను అభివృద్ధి చేశారు. ఒక రకమైన రంగు సాయంతో శరీరంలోని ఏ భాగంలో రక్తం గడ్డకట్టిందో ...

October 27, 2021 / 07:24 PM IST

Blood clots new test : ఈ పరీక్షతో రక్తం గడ్డకట్టడాన్ని గుర్తించొచ్చు.. ఎడిన్‌బర్గ్‌ పరిశోధకుల అభివృద్ధి

ఎడిన్‌బర్గ్‌ : (Blood clots new test) శరీరంలో రక్తం గడ్డకట్టడాన్ని గుర్తించేందుకు శాస్త్రవేత్తలు సరికొత్త పరీక్షను అభివృద్ధి చేశారు. ఒక రకమైన రంగు సాయంతో శరీరంలోని ఏ భాగంలో రక్తం గడ్డకట్టిందో తెలుసుకోవచ్చు. శరీరంలో రక్తం గడ్డకట్టడాన్ని గుర్తించడం ద్వారా గుండెపోటు ప్రమాదాన్ని తగ్గించవచ్చు. ఈ కొత్త పరీక్ష సహాయంతో గుండె వెలుపలి రక్తంలో రక్తం గడ్డకట్టడాన్ని గమనించవచ్చని ఈ పరిశోధన నిర్వహించిన ఎడిన్‌బర్గ్ యూనివర్సిటీ పరిశోధకులు తెలిపారు. ఈ పరిశోధనను ‘యూరోపియన్ సొసైటీ ఆఫ్ కార్డియాలజీ’లో ప్రచురించారు. ఈ పరీక్ష త్వరలో బ్రిటన్ నేషనల్ హెల్త్ సర్వీస్ ద్వారా సాధారణ ప్రజలకు అందుబాటులోకా రానున్నది. దీని ద్వారా బ్రిటన్‌లో గుండె జబ్బులతో బాధపడుతున్న 80 లక్షల మందిలో ప్రమాదాన్ని అంచనా వేసే వీలు చిక్కుతుంది.

శరీరంలో ఎక్కడ రక్తం గడ్డకడుతుందో ఆ భాగంలోని ధమనుల్లో అడ్డంకులు ఏర్పడినట్లు ఎడిన్‌బర్గ్‌ యూనివర్శిటీ పరిశోధకులు చెప్తున్నారు. ఇలా అడ్డంకులు ఏర్పడటం వల్ల ధమనులు దెబ్బతింటాయి. ఈ కొత్త పరిశోధన ఇన్వెస్టిగేషన్‌ కోసం పరిశోధకులు 94 మంది రోగులను ఎంపిక చేశారు. ఈ రోగుల చేతుల్లోకి డై ఇంజెక్ట్ చేశారు. ఈ రంగు రక్తంలో కలిసిపోయి శరీరమంతా వ్యాపిస్తుంది. ధమనుల్లో ఎక్కడ దెబ్బతింటే అక్కడ రంగు చేరి ఒక రకమైన కాంతిని ఉత్పత్తి చేస్తుంది. ఈ కాంతిని అల్ట్రా స్కాన్ ద్వారా వీక్షించవచ్చు.

యాంజియోగ్రామ్ కంటే ఉత్తమం..

రక్తం గడ్డకట్టడాన్ని ముందుగా గుర్తిస్తే గుండెపోటు ముప్పును తగ్గించవచ్చని పరిశోధకులు చెప్తున్నారు. యాంజియోగ్రామ్ కంటే ఈ కొత్త పరీక్ష విధానం సురక్షితమైనదని పరిశోధకులు అంటున్నారు. యాంజియోగ్రామ్‌లో గుండె చుట్టూ ఉన్న ధమనుల్లో అడ్డంకులు, నష్టాలను గుర్తించడానికి ట్యూబ్‌ను ఉపయోగిస్తారు. యాంజియోగ్రామ్‌లు గుండెపోటు, స్ట్రోక్ ప్రమాదాన్ని పెంచుతాయని పరిశోధకులు పేర్కొంటున్నారు. కొత్త పరీక్షలతె ఈ ప్రమాదాన్ని కూడా తగ్గించవచ్చునని సెలవిస్తున్నారు. ఈ పరీక్ష ద్వారా 80 శాతం వరకు ప్రమాదకరమైన రక్తం గడ్డకట్టడాన్ని కనుగొనవచ్చు. అదే రోగుల యాంజియోగ్రామ్‌లో 60 శాతం మాత్రమే గడ్డకట్టడం గుర్తించే వీలుంటుంది.