Realme Pad : రియ‌ల్‌మీ నుంచి తొలి ట్యాబ్‌.. రిలీజ్ డేట్ ఫిక్స్‌.. ఫీచ‌ర్లు ఇవే

రియ‌ల్‌మీ నుంచి తొలి ట్యాబ్‌ | రియ‌ల్‌మీ బ్రాండ్ నుంచి తొలి ట్యాబ్ రిలీజ్ కాబోతుంది. సెప్టెంబ‌ర్ 9న మ‌ధ్యాహ్నం 12.30 కు వ‌ర్చువ‌ల్ ఈవెంట్ ద్వారా రియ‌ల్‌మీ

September 3, 2021 / 08:15 PM IST

Realme Pad : రియ‌ల్‌మీ నుంచి తొలి ట్యాబ్‌.. రిలీజ్ డేట్ ఫిక్స్‌.. ఫీచ‌ర్లు ఇవే

రియ‌ల్‌మీ బ్రాండ్ నుంచి తొలి ట్యాబ్ రిలీజ్ కాబోతుంది. సెప్టెంబ‌ర్ 9న మ‌ధ్యాహ్నం 12.30 కు వ‌ర్చువ‌ల్ ఈవెంట్ ద్వారా రియ‌ల్‌మీ ట్యాబ్లెట్‌ను విడుద‌ల చేయ‌నుంది. రియ‌ల్‌మీ ట్యాబ్ చూడ‌టానికి అచ్చం ఐపాడ్ ప్రో ట్యాబ్‌లా ఉంటుంది.

రియ‌ల్‌మీ పాడ్ కొన్ని స్పెషిఫికేష‌న్లను విడుద‌ల చేయ‌గా.. మ‌రికొన్ని లీక్ అయ్యాయి. రియ‌ల్‌మీ పాడ్‌కు సంబంధించిన మ‌రిన్ని ఫీచ‌ర్స్‌.. సెప్టెంబ‌ర్ 5న విడుద‌ల కానున్నాయి.

6.9 ఎంఎం థిక్‌నెస్‌, 3.5 ఎంఎం హెడ్‌ఫోన్ జాక్‌, అల్యూమినియం యూనీబాడీ క‌న్‌స్ట్ర‌క్ష‌న్, 10.4 ఇంచ్ డిస్‌ప్లే, యూఎస్‌బీ టైప్ సీ పోర్ట్‌, సింగిల్ 8 మెగాపిక్సెల్ రేర్ కెమెరా, 8 మెగాపిక్సెల్ ఫ్రంట్ కెమెరా లాంటి ఫీచ‌ర్ల‌తో రియ‌ల్‌మీ పాడ్ విడుద‌ల కానుంది.

చైనాకు చెందిన‌ రియ‌ల్‌మీ కంపెనీ ఇప్ప‌టి వ‌ర‌కు స్మార్ట్‌ఫోన్లు, లాప్‌టాప్స్‌, టీవీలు, ఆడియో యాక్సెస‌రీస్ ప్రాడ‌క్ట్స్‌ను డెవ‌ల‌ప్ చేసేది. తాజాగా.. ట్యాబ్‌ల‌ను కూడా త‌యారు చేస్తూ.. ఈ టెక్నాల‌జీ యుగంలో నిల‌దొక్కుకునేందుకు తెగ ప్ర‌య‌త్నిస్తోంది.