realme P4x 5G | భారీ బ్యాట‌రీ, అద్భుత‌మైన కూలింగ్ ఫీచ‌ర్‌తో లాంచ్ అయిన రియ‌ల్‌మి పి4ఎక్స్ స్మార్ట్ ఫోన్‌.. ధ‌ర ఎంతంటే..?

స్మార్ట్ ఫోన్ త‌యారీదారు రియ‌ల్‌మి మిడ్ రేంజ్ సెజ్‌మెంట్‌లో ఓ నూత‌న స్మార్ట్ ఫోన్‌ను భార‌త మార్కెట్‌లో లాంచ్ చేసింది. రియ‌ల్‌మి పి4ఎక్స్ 5జి పేరిట ఈ ఫోన్‌ను లాంచ్ చేశారు. పి4 సిరీస్‌లో వ‌చ్చిన లేటెస్ట్ రియ‌ల్‌మి ఫోన్ ఇదే కావ‌డం విశేషం.

realme P4x 5G | స్మార్ట్ ఫోన్ త‌యారీదారు రియ‌ల్‌మి మిడ్ రేంజ్ సెజ్‌మెంట్‌లో ఓ నూత‌న స్మార్ట్ ఫోన్‌ను భార‌త మార్కెట్‌లో లాంచ్ చేసింది. రియ‌ల్‌మి పి4ఎక్స్ 5జి పేరిట ఈ ఫోన్‌ను లాంచ్ చేశారు. పి4 సిరీస్‌లో వ‌చ్చిన లేటెస్ట్ రియ‌ల్‌మి ఫోన్ ఇదే కావ‌డం విశేషం. ఇందులో ప‌లు ఆక‌ట్టుకునే ఫీచ‌ర్ల‌ను అందిస్తున్నారు. ధ‌ర కూడా త‌క్కువ‌గానే ఉండ‌డం విశేషం. ఈ ఫోన్‌లో 6.72 ఇంచుల ఎల్‌సీడీ డిస్‌ప్లేను ఏర్పాటు చేశారు. దీనికి ఫుల్ హెచ్‌డీ ప్ల‌స్ రిజ‌ల్యూష‌న్‌ను, 144 హెడ్జ్ రిఫ్రెష్ రేట్‌ను అందిస్తున్నారు. అందువ‌ల్ల డిస్‌ప్లే చాలా క్వాలిటీగా ఉంటుంది. అద్భుత‌మైన దృశ్యాల‌ను వీక్షించ‌వ‌చ్చు. ఈ ఫోన్‌లో మీడియాటెక్ డైమెన్సిటీ 7400 ఆక్టాకోర్ ప్రాసెస‌ర్‌ను ఇచ్చారు. 8జీబీ ర్యామ్ ల‌భిస్తుంది. ర్యామ్‌ను అద‌నంగా మ‌రో 10 జీబీ వ‌ర‌కు వ‌ర్చువ‌ల్‌గా పెంచుకునే వీలు క‌ల్పించారు. అందువ‌ల్ల ఫోన్ ఎలాంటి ల్యాగ్ లేకుండా చాలా వేగంగా ప‌నిచేస్తుంది. ముఖ్యంగా గేమ‌ర్ల‌కు ఎంతో ఉప‌యోగ‌కరంగా ఉంటుంది.

భారీ బ్యాట‌రీ, ప్ర‌త్యేక కూలింగ్ సిస్ట‌మ్‌..

ఇక ఈ ఫోన్‌లో ప్ర‌త్యేక‌మైన వీసీ ఫ్రాస్ట్‌కోర్ కూలింగ్ సిస్ట‌మ్‌ను ఏర్పాటు చేశారు. దీని వ‌ల్ల ఫోన్‌ను ఎంత తీవ్రంగా ఉప‌యోగించిన‌ప్ప‌టికీ అంత త్వ‌ర‌గా హీట్‌కు గురి కాదు. క‌నుక గేమ‌ర్లు చాలా ఎక్కువ సేపు ఇందులో గేమ్స్‌ను ఆడుకోవ‌చ్చు. ఈ ఫోన్‌లో ఆండ్రాయిడ్ 15 ఆప‌రేటింగ్ సిస్ట‌మ్ ల‌భిస్తుంది. దీనికి గాను 2 ఏళ్ల వ‌ర‌కు ఆండ్రాయిడ్ ఓఎస్ అప్‌డేట్స్‌ను, 3 ఏళ్ల వ‌ర‌కు సెక్యూరిటీ అప్‌డేట్స్‌ను అందిస్తామ‌ని కంపెనీ చెబుతోంది. ఈ ఫోన్‌లో 7000 ఎంఏహెచ్ భారీ కెపాసిటీ ఉన్న బ్యాట‌రీని ఏర్పాటు చేశారు. ఈ ఫోన్‌కు దీన్ని ప్ర‌ధాన ఆక‌ర్ష‌ణ‌గా చెప్ప‌వ‌చ్చు. భారీ బ్యాట‌రీ ఉన్నందున ఈ ఫోన్‌లో బీజీఎంఐ గేమ్‌ను చాలా ఎక్కువ సేపు ఆడుకునేందుకు వీలు క‌లుగుతుంది. ఈ ఫోన్‌ను కేవ‌లం 6 నిమిషాల పాటు చార్జింగ్ చేస్తే చాలు ఏకంగా 1 గంట వ‌ర‌కు బీజీఎంఐ గేమ్‌ను ఆడుకోవ‌చ్చ‌ని కంపెనీ చెబుతోంది. ఈ ఫోన్‌కు గాను 45 వాట్ల ఫాస్ట్ చార్జింగ్‌కు స‌పోర్ట్‌ను అందిస్తున్నారు. అందువ‌ల్ల ఫోన్‌ను వేగంగా చార్జింగ్ చేసుకోవ‌చ్చు. 0 నుంచి 100 శాతం చార్జింగ్ పూర్త‌య్యేందుకు 90 నిమిషాల స‌మ‌యం ప‌డుతుంద‌ని కంపెనీ చెబుతోంది.

ప‌లు ఆప్ష‌న్ల‌లో..

ఈ ఫోన్‌కు గాను 1000 నిట్స్ వ‌ర‌కు పీక్ బ్రైట్ నెస్ ఫీచ‌ర్ ను అందిస్తున్నారు. కనుక సూర్య‌కాంతిలోనూ ఫోన్ డిస్‌ప్లేను చాలా స్ప‌ష్టంగా చూడ‌వ‌చ్చు. ఈ ఫోన్‌ను 6జీబీ, 8జీబీ ర్యామ్, 128జీబీ, 256జీబీ స్టోరేజ్ ఆప్ష‌న్ల‌లో లాంచ్ చేశారు. మెమొరీని కార్డు ద్వారా 2టీబీ వ‌ర‌కు పెంచుకునే వీలు క‌ల్పించారు. హైబ్రిడ్ డ్యుయ‌ల్ సిమ్ స్లాట్ ల‌భిస్తుంది. వెనుక వైపు 50 మెగాపిక్స‌ల్ మెయిన్ కెమెరా ఉండ‌గా, మ‌రో 2 మెగాపిక్స‌ల్ సెకండ‌రీ కెమెరాను సైతం ఇచ్చారు. ముందు వైపు 8 మెగాపిక్స‌ల్ కెమెరా ఉంది. ఇన్ డిస్‌ప్లే ఫింగర్ ప్రింట్ సెన్సార్ ల‌భిస్తుంది. ఇన్ ఫ్రారెడ్ సెన్సార్ కూడా ఉంది. ఐపీ64 డ‌స్ట్ అండ్ స్ల్పాష్ రెసిస్టెంట్ ఫీచ‌ర్‌ను ఈ ఫోన్‌కు అందిస్తున్నారు. 5జి సేవ‌ల‌ను పొంద‌వ‌చ్చు. డ్యుయ‌ల్ 4జి వీవోఎల్‌టీఈ ఫీచ‌ర్ కూడా ఉంది. వైఫై 6, బ్లూటూత్ 5.2, యూఎస్‌బీ టైప్ సి వంటి స‌దుపాయాల‌ను సైతం ఇందులో అందిస్తున్నారు.

ధ‌ర వివ‌రాలు..

రియ‌ల్‌మి పి4ఎక్స్ 5జి ఫోన్‌కు చెందిన 6జీబీ ర్యామ్‌, 128జీబీ స్టోరేజ్ మోడ‌ల్ ధ‌ర రూ.15,999 ఉండ‌గా ఆఫ‌ర్ కింద దీన్ని రూ.13,499 ధ‌ర‌కు అందిస్తున్నారు. అలాగే ఈ ఫోన్‌కు చెందిన 8జీబీ ర్యామ్‌, 128జీబీ స్టోరేజ్ మోడ‌ల్ ధ‌ర రూ.17,499గా ఉంది. దీన్ని రూ.14,999కు పొంద‌వ‌చ్చు. ఈ ఫోన్‌కు చెందిన 8జీబీ ర్యామ్‌, 256జీబీ స్టోరేజ్ మోడ‌ల్ ధ‌ర‌ను రూ.19,499గా నిర్ణ‌యించ‌గా దీన్ని ఆఫ‌ర్ కింద రూ.16,999కు కొనుగోలు చేయ‌వ‌చ్చు. ఈ ఫోన్‌ను మ్యాట్ సిల్వ‌ర్‌, ఎలెగెంట్ పింక్‌, లేక్ గ్రీన్ క‌ల‌ర్ ఆప్ష‌న్ల‌లో లాంచ్ చేశారు. దీన్ని రియ‌ల్‌మి ఆన్ లైన్ స్టోర్‌తోపాటు ఫ్లిప్‌కార్ట్ లో డిసెంబ‌ర్ 12 నుంచి విక్ర‌యించ‌నున్నారు.