Dangerous Apps | ఈ ఏడు యాప్స్‌ మీ మొబైల్‌లో ఉంటే అంతే సంగతులు.. హెచ్చరిస్తున్న గూగుల్‌!

Dangerous Apps | విని­యో­గ­దా­రుల వివ­రా­లను కాజే­య­డా­నికి ఉప­యో­గ­పడే ‘ట్రోజన్‌’ జోకర్ మాల్‌­వేర్ ఉన్న కొన్ని యాప్‌­లను గూగుల్ సంస్థ గుర్తిం­చింది. క్యాస్ప­ర్‌స్కై సైబర్ సెక్యూ­రిటీ సంస్థకు చెందిన తత్యానా షిస్కోవా అనే అనలిస్ట్ ఈ యాప్స్‌లో

విని­యో­గ­దా­రుల వివ­రా­లను కాజే­య­డా­నికి ఉప­యో­గ­పడే ‘ట్రోజన్‌’ జోకర్ మాల్‌­వేర్ ఉన్న కొన్ని యాప్‌­లను గూగుల్ సంస్థ గుర్తిం­చింది. క్యాస్ప­ర్‌స్కై సైబర్ సెక్యూ­రిటీ సంస్థకు చెందిన తత్యానా షిస్కోవా అనే అనలిస్ట్ ఈ యాప్స్‌లో ఉన్న మాల్‌వేర్‌ను గుర్తించింది. ఈ విషయం తెలియడంతో వెంటనే స్పందించిన గూగుల్‌ సంస్థ.. ప్లేస్టోర్‌ నుంచి ఈ ఏడు యాప్‌లను తొలగించింది.

ఈ యాప్స్‌ మన ఫోన్‌లలోని సెక్యూరిటీ వ్యవస్థను టార్గెట్ చేస్తాయి. ఆ తర్వాత మనకు తెలియకుండానే యాప్స్‌లో ఉన్న ఖరీదైన సబ్‌స్క్రిప్షన్స్‌ తీసుకుంటాయి. భారీగా డబ్బు పోయిన తర్వాతగానీ అసలు విషయం వినియోగదారులకు తెలియదు. ఇప్పటికే ఏడు యాప్‌లను బ్యాన్‌ చేసిన గూగుల్ సంస్థ.. ఇకపై వీటిని ఎవరూ డౌన్‌లోడ్‌ చేసుకోలేరని తెలిపింది. అయితే ఇప్పటికే డౌన్‌లోడ్‌ చేసుకున్న వాళ్లు కూడా వెంటనే చర్యలు తీసుకోవాలని, లేదంటే నష్టపోతారని హెచ్చరించింది.

గూగుల్‌ బ్యాన్‌ చేసిన ఆ ఏడు యాప్స్‌ ఇవే..

1. నౌ క్యూఆర్‌కోడ్‌ స్కాన్‌ (10 వేలపైగా డౌన్‌లోడ్స్
2. ఎమోజీవన్‌ కీబోర్డ్ (50 వేలపైగా డౌన్‌లోడ్స్)
3. బ్యాటరీ చార్జింగ్ యానిమేషన్స్ బ్యాటరీ వాల్‌పేపర్‌ (10 వేలపైగా డౌన్‌లోడ్స్)
4. డాజిలింగ్‌ కీబోర్డ్ (10కి పైగా డౌన్‌లోడ్స్)
5. వాల్యూమ్ బూస్టర్‌ లౌడర్‌ సౌండ్‌ ఈక్విలైజర్‌ (100 పైగా డౌన్‌లోడ్స్)
6. సూపర్‌ హీరో ఎఫెక్ట్ (5 వేలపైగా డౌన్‌లోడ్స్)
7. క్లాసిక్ ఎమోజీ కీబోర్డ్ (5 వేలపైగా డౌన్‌లోడ్స్)