(Six Pack) ఇద్దరు వ్యక్తులు ఒకేసారి ఒకే విధమైన ఫిట్నెస్, డైట్ ప్రారంభించారు. కొన్ని నెలల తర్వాత వీరిలో ఒక్కరికే సిక్స్ ప్యాక్ బాడీ సాధ్యమైంది. మరొకరికి సిక్స్ ప్యాక్ బాడీ రాలేదు. దీనిపై పరిశోధనలు చేసిన శాస్త్రవేత్తలు పలు ఆసక్తికరమైన విషయాలను వెల్లడించారు. ప్రతి మనిషిలో ఉండే జీన్స్ కారణంగానే సిక్స్ ప్యాక్ సాధ్యమవుతుందని వీరు తేల్చారు.
సిక్స్ ప్యాక్ రావడానికి జీన్స్ కనెక్షన్ ఉంటుందని సెలవిస్తున్నారు కేంబ్రిడ్జ్లోని ఆంగ్లియా విశ్వవిద్యాలయానికి చెందిన పరిశోధకులు. బలమైన డీఎన్ఏ ఉన్నవారిలో సిక్స్ ప్యాక్ త్వరగా తయారతుందంట. సిక్స్ ప్యాక్ వచ్చేందుకు సహకరించే 13 జన్యువులను వీరు మానవుల్లో గుర్తించారు. బలహీనమైన డీఎన్ఏ ఉన్న వ్యక్తుల్లో వ్యాయామం చేసినప్పటికీ సిక్స్ ప్యాక్ ఆలస్యంగా ప్రభావం చూపుతుంది. అదే సమయంలో బలమైన డీఎన్ఏ ఉన్న వారిలో కండరాలపై త్వరగా ప్రభావం చూపుతుంది.
ఒక వ్యక్తి జన్యువులు ఆయన ఎక్సర్సైజ్ శిక్షణను ఎలా ప్రభావితం చేస్తాయో అర్థం చేసుకోవడానికి 24 పాత అధ్యయనాలను పరిశీలించారు. మానవుల్లో వ్యాయామానికి సంబంధించిన 13 జన్యువులు ఉన్నాయని విశ్లేషణలో వెల్లడించారు. శరీరంపై వ్యాయామం మెరుగైన ప్రభావాన్ని చూపడానికి జన్యువులు బలంగా ఉండటం అవసరమని పరిశోధకులు గుర్తించారు. ఈ జన్యువులు కార్డియో ఫిట్నెస్, కండరాల శక్తి, అన్ఎరోబిక్ ఎక్సర్సైజ్లను ప్రభావితం చేస్తాయి. వీటికి బాధ్యత వహిస్తున్న జన్యువుల్లో వ్యాయామం తర్వాత 72 శాతం వరకు ప్రభావితం చేసినట్లు కనిపిస్తున్నది. ఈ సమయంలో ఆహారం, పోషకాలు కూడా ముఖ్యపాత్రను పోషిస్తాయి. 15 నుంచి 55 సంవత్సరాల వయస్సు గల 3,012 మందిపై పరిశోధనలు నిర్వహించారు. ప్రతి వ్యక్తి జన్యు నమూనా భిన్నంగా ఉంటుందని పరిశోధకులు చెప్తున్నారు.
మొక్కలను ప్రేమించిన పల్లా వెంకన్న : వెంకయ్యనాయుడు
ఆ రోజు ఎవరికీ కనిపించకుండా పోతాను: సానియా మీర్జా.. ఏ రోజు.. ఎందుకు?
టాటాలో పెరిగిన ఝున్ఝున్వాలా పెట్టుబడులు
ఫోన్లో ప్రీ ఇన్స్టాల్ యాప్లతో జాగ్రత్త.. వీటితో వచ్చే సమస్యలు ఇవి!
హైతీలో అమెరికా మిషనరీలు కిడ్నాప్
పేదరికం నిర్మూలన ఎప్పటికి సాధ్యమయ్యేను..?
తాజా వార్తల కోసం నమస్తే తెలంగాణ ఫేస్బుక్ , ట్విటర్, టెలిగ్రామ్ ను ఫాలో అవండి..