e-Paper

Advertisement

E-Paper

Apps

Book Your Copy

Visit Telangana Today

Wednesday, May 5, 2021
Advertisement
Home News ఈ ఏడాది చివ‌ర్లో అందుబాటులోకి 5 జీ సేవ‌లు..?

ఈ ఏడాది చివ‌ర్లో అందుబాటులోకి 5 జీ సేవ‌లు..?

ఈ ఏడాది చివ‌ర్లో అందుబాటులోకి 5 జీ సేవ‌లు..?

న్యూఢిల్లీ : ఈ ఏడాది చివ‌రిక‌ల్లా 5 జీ సేవ‌లు అందుబాటులోకి వ‌చ్చే అవ‌కాశాలు క‌నిపిస్తున్నాయి. దేశంలో ట్ర‌య‌ల్స్ నిర్వ‌హించేందుకు 13 కంపెనీల‌ దరఖాస్తులను ప్రభుత్వం ఆమోదించింది. చైనా కంపెనీలైన హువావే, జెడ్‌టీఈలను 5 జీ ట్రయల్‌కు దూరంగా ఉంచారు. 5 జి ట్రయల్స్ కోసం టెలికం విభాగానికి మొత్తం 16 దరఖాస్తులు వచ్చాయి.

5 జీ ట్రయల్ కోసం ప్రభుత్వ టెలికం సంస్థ భారత్ సంచార్ నిగమ్ లిమిటెడ్ (బీఎస్ఎన్ఎల్) సెంటర్ ఫర్ డెవలప్మెంట్ ఆఫ్ టెలిమాటిక్స్ (సీ-డాట్) తో భాగస్వామ్యం కుదుర్చుకున్న‌ది. టెలిమాటిక్స్ అభివృద్ధి కేంద్రంను 1984 లో స్థాపించారు. భారతి ఎయిర్‌టెల్, వోడాఫోన్-ఐడియా, రిలయన్స్ జియో సంస్థ‌లు ఎరిక్సన్, నోకియాకు చెందిన విక్రేతలతో భాగస్వామ్యం కలిగి ఉన్నాయి.

5 జీ ట్రయల్ కోసం టెలికాం కంపెనీలకు త్వరలో 700 మెగాహెర్ట్జ్ బ్యాండ్ ఎయిర్ వేవ్స్ ఇవ్వనున్నట్లు టెలికం విభాగం ఉన్న‌తాధికారి ఒక‌రు తెలిపారు. అయితే, పట్టణ, గ్రామీణ ప్రాంతాల్లో పరీక్షలు వంటి షరతులను కంపెనీలు పాటించాల్సి ఉంటుందని ఆయ‌న చెప్పారు. నెట్‌వర్క్ భద్రతపై ప్రత్యేక శ్రద్ధ వహించాల్సి ఉంటుందన్నారు.

వాణిజ్య ఉప‌యోగానికి నో ఛాన్స్

టెలికాం కంపెనీలకు ఎయిర్‌వేవ్స్‌ను ట్రయల్స్‌కు మాత్రమే ఉపయోగించేలా ఇవ్వ‌నున్నారు. వాణిజ్య‌ప‌రంగా ఉప‌యోగించ‌కుండా కఠిన హెచ్చరికలు చేయ‌నున్నారు. కంపెనీలు ఈ షరతులను ఉల్లంఘిస్తే వారు తీవ్రమైన పరిణామాలను ఎదుర్కోవలసి ఉంటుందని టెలికం విభాగం హెచ్చ‌రిస్తున్న‌ది.

ఈ దేశాల్లో అందుబాటులో 5 జీ సేవలు

5 జీ సేవల‌ను మొదట దక్షిణ కొరియా, చైనా, యునైటెడ్ స్టేట్స్ లో ప్రవేశపెట్టారు. 5 జీ ట్ర‌య‌ల్స్‌ ప్రారంభించేందుకు భారత్ సన్నాహాలు చేస్తున్నప్పటికీ.. ఈ ర‌కం సేవలు ఇప్పటికే 68 దేశాల్లో ప్రారంభమ‌య్యాయి. ఇందులో శ్రీలంక, ఒమన్, ఫిలిప్పీన్స్, న్యూజిలాండ్ వంటి అనేక చిన్న దేశాలు కూడా ఉండ‌టం విశేషం.

ఇవి కూడా చ‌ద‌వండి..

ప‌డిపోయిన ఐపీఎల్ బ్రాండ్ వాల్యూ

ప్ర‌పంచంలో అత్యంత ఖ‌రీదైన విడాకులు.. ఇవే

భార‌త‌దేశం సేవ‌లు అజ‌రామ‌రం : హార్వ‌ర్డ్ ప్రొఫెస‌ర్ జెస్సీ బంప్‌

ఉత్త‌రాఖండ్‌లో భారీ వ‌ర్షం.. బుర‌ద‌లో కూరుకుపోయిన‌ ఇండ్లు

తొలి మ‌హిళా న్యాయ‌మూర్తి అన్నా చాందీ.. చరిత్ర‌లో ఈరోజు

పంచాయ‌తీ విజ‌యం చూడ‌క‌ముందే ముగ్గుర్ని కాటేసిన క‌రోనా

గ్లేసియ‌ర్స్ క‌రిగి ఏర్ప‌డిన వేలాది స‌ర‌స్సులు.. శాస్త్ర‌వేత్త‌ల హెచ్చ‌రిక‌

తాజా వార్తల కోసం నమస్తే తెలంగాణ ఫేస్‌బుక్‌ , ట్విటర్‌టెలిగ్రామ్‌ ను ఫాలో అవండి..

Advertisement
ఈ ఏడాది చివ‌ర్లో అందుబాటులోకి 5 జీ సేవ‌లు..?

తాజావార్తలు

Advertisement

ట్రెండింగ్‌

Advertisement