Rangareddy : పెద్దఅంబర్‌పేట అవుటర్‌ రిండ్డుపై తనిఖీలు..

అబ్దుల్లాపూర్‌మెట్‌ : డ్రగ్స్​‍ను నిర్మూలిద్దాం – యువతను కాపాడుకుందాం అనే నినాదంతో రాచకొండ కమిషనరేట్‌ సీపీ మహేష్‌భగవత్‌ ఆదేశాల మేరకు అబ్దుల్లాపూర్‌మెట్‌ పోలీస్‌ స్టేషన్‌ పరిధిలోని పెద్దఅంబర్‌పేట అవుటర్‌ రింగ్‌రోడ్డు టోల్‌ ప్లాజా వద్ద గంజాయి, ఇతర మాదకద్రవ్యాల కొరకు శుక్రవారం సాయంత్రం లా అండ్‌ ఆడర్‌, ట్రాఫిక్‌ పోలీసులు వాహనాలను తనిఖీ చేశారు. నార్కొటిక్‌ డాగ్‌ స్కాడ్‌ను ఉపయోగిస్తూ తనిఖీలు చేపట్టినట్లు వారు తెలిపారు. గంజాయి, ఇతర మత్తు పదార్థాలు, అమ్మె ప్రదేశాలు, పండించే ప్రదేశాల గురించి తెలిస్తే 9490617111కు సమాచారం ఇవ్వాలని తెలిపారు.