సినీనటుడు అలీ నిర్మాణాలకు నోటీసులు

సినీ నటుడు మహ్మద్‌ అలీ అక్రమ నిర్మాణాలకు అధికారులు నోటీసులు ఇచ్చారు. మండలంలోని ఎక్‌మామిడి గ్రామ పంచాయతీ రెవెన్యూలో అలీకి భూమి, ఫామ్‌హౌస్‌ ఉన్నది.

• నోటీసులు అందజేస్తున్న పంచాయతీ కార్యదర్శి శోభారాణి

నవాబుపేట, నవంబర్‌ 23 : సినీ నటుడు మహ్మద్‌ అలీ అక్రమ నిర్మాణాలకు అధికారులు నోటీసులు ఇచ్చారు. మండలంలోని ఎక్‌మామిడి గ్రామ పంచాయతీ రెవెన్యూలో అలీకి భూమి, ఫామ్‌హౌస్‌ ఉన్నది. దానిలో అక్రమంగా నిర్మాణాలు చేపడుతున్నారని ఏక్‌మామిడి గ్రామ పంచాయతీ కార్యదర్శి శోభారాణి నోటీసులు అందజేశారు.

ఆ నోటీసులో పంచాయతీ నుంచి ఎలాంటి అనుమతులు పొందకుం డానే నిర్మాణాలు చేపడుతున్నారని రాశారు. అక్రమ నిర్మాణాలకు ఈ నెల 5న ఒక నోటీసు ఇవ్వగా, ఈ నెల 22న మరో నోటీసు అందజేశారు. ఆ ఫామ్‌హౌస్‌లో పని చేసే వారికి నోటీసులు అందించామని ఆమె చెప్పారు.