షాబాద్, డిసెంబర్ 16 : చలి ప్రజలనే కాదు పశువులనూ వేధిస్తున్నది. దీంతో పాల దిగుబడి తగ్గుతున్నది. మండలంలోని కుమ్మరిగూడ, నాగరకుంట, తిమ్మారెడ్డిగూడ, మల్లారెడ్డిగూడ, తిర్మలాపూర్, బోడంపహాడ్, షాబాద్, కక్కులూర్, కుర్వగూడ, కేశారం, తాళ్లపల్లి, నాందార్ఖాన్పేట్ తదితర గ్రామాల్లో రైతులు అత్యధికంగా పాడి పరిశ్రమపై ఆధారపడి జీవిస్తున్నారు. గత వా రం రోజులుగా చలి ప్రభావంతో పాడి ఆవులు, గేదెలు పాలు తక్కువగా ఇస్తున్నాయి.
చలికాలం ఆరంభంలోనే ఒక్కసారిగా పాల దిగుబడి సగానికి తగ్గిపోవడంతో రైతులు ఆందోళన చెందుతున్నారు. పాడి ఆవులు, గేదెలకు గతంలో ఏ విధమైన పశుగ్రాసం, దాణా ఇస్తున్నా రో ప్రస్తుతం కూడా అవే ఇస్తున్నారు. గతంలో కంటే ఖర్చులు పెరిగినా పాల దిగుబడి మాత్రం తగ్గడంతో రైతులు ఆందోళనకు గురవుతున్నారు. చలికాలంలో పాల ఉత్పత్తి 20 శాతం వరకు తగ్గుతుందని.. ఉత్పత్తి మరింత తగ్గకుండా రైతులు పలు జాగ్రత్తలు తీసుకోవాలని పశువైద్యాధికారులు సూచిస్తున్నారు.
పాడి ఆవులు, గేదెలు అనారోగ్యానికి గురైతే వెంటనే డాక్టర్ను సంప్రదించాలి. నాణ్యమైన ఎండు, వరి గడ్డి, జొన్న లాంటివి వాటికి మేతగా వేయాలి. మినరల్ మిక్షర్ లాంటివి ఎక్కువగా తినిపించాలి. ముఖ్యంగా ఉప్పు ఎక్కువగా ఉండే దాణాను తినిపించాలి. ఈ కాలంలో పశువులు రోగాల బారిన పడకుండా తగు చర్యలు తీసుకోవాలి. పశువుల పాకలోకి గోమార్లు రా కుండా చూడాలి. పాకల్లో పా త మట్టిని తీసి కొత్త మట్టిని వేయాలి. పశుగ్రాసంలో ఏపీబీఎన్, లూసన్ తదితర పచ్చిగడ్డి ఈ కాలం లో తక్కువగా పెరుగుతాయి. అందువల్ల వా టిని ఎక్కువ మొత్తం గా సాగు చేసుకుంటే పశుగ్రాసం కొరత తీరుతుంది. ఉద యం, సాయం త్రం వేళల్లో చలిలో పశువులను బయటకు తీసుకెళ్లొద్దు. ఆ ప్రభావం పాల ఉత్పత్తిపై పడుతుంది.
గత వారం రోజులుగా చలి ఎక్కువగా ఉండడంతో పాల దిగుబడి తగ్గింది. నా వద్ద పది ఆవులున్నాయి. ప్రతిరోజూ 70 లీటర్ల వర కు పాల దిగుబడి వచ్చేది. ప్రస్తుతం చలి తీవ్రతకు ఒక్కసారిగా 20 లీటర్ల పా లు తగ్గాయి. చలికి ఆవులు అనారోగ్యానికి గురవుతున్నాయి. డాక్టర్ల సలహాలు, సూచనలు పాటిస్తున్నా.
-అంజయ్య, పాడి రైతు కుమ్మరిగూడ
చలి కాలంలో రైతులు పాల ఉత్పత్తిలో జాగ్రత్తలు పాటిస్తేనే మేలు. పశువులకు వరిగడ్డి, జొన్న, సొప్పలాంటి ఎండు మేత పెట్టాలి. మినరల్ మిక్షర్ తినిపించాలి. పాకల్లోకి గోమార్లు రాకుండా చూసుకోవాలి. ప్రతిరోజూ ఉదయం, సాయంత్రం వేళల్లో 6 గంటలకు పాలు పితికితే పాల ఉత్పత్తి అదుపులో ఉంటుంది.
-చంద్రశేఖర్రెడ్డి, పశువైద్యాధికారి, రేగడిదోస్వాడ