Kothuru : ఘనంగా సద్దుల బతుకమ్మ.. ఎమ్మెల్యే అంజయ్యయాదవ్‌

కొత్తూరు : కొత్తూరు మున్సిపాలిటీలోని వివిధ ప్రాంతాల్లో సద్దుల బతుకమ్మను గురువారం ఘనంగా నిర్వహించారు. ఈ సందర్భంగా మహిళలు పెద్ద ఎత్తున పాల్గొని బతుకమ్మ ఆడారు. కార్యక్రమానికి ఎమ్మెల్యే అంజయ్యయాదవ్‌ ముఖ్య అతిథిగా హాజరై కోలాటం ఆడారు. ఈ సందర్భంగా ఆయన మాట్లాడుతూ.. టీఆర్‌ఎస్ ప్రభుత్వం తెలంగాణ సంస్కృతి, సంప్రదాయాలకు పెద్దపీట వేస్తుందన్నారు. కార్యక్రమంలో జడ్పీ వైస్ చైర్మన్‌ ఈట గణేశ్‌, ఎంపీపీ మధుసూదన్‌రెడ్డి, జడ్పీ చైర్‌పర్సన్‌ లావణ్యదేవేందర్‌, వైస్ చైర్మన్‌ డొలి రవీందర్‌, కౌన్సిలర్లు టీఆర్‌ఎస్ మండలాధ్యక్షుడు మెండె కృష్ణ, టీఆర్‌ఎస్ నాయకులు దేవేందర్‌యాదవ్‌, యాదగిరి, యాదయ్య, మహిళలు పాల్గొన్నారు.