అర్థ వివరణ

విజయ్‌గాడెంత అంశమంతుడ్రా.. మన్తో గోళీకాయలాడినోడు ఇప్పుడేకంగా సైన్మా పిల్లనే పెండ్లి జేసుకుండు. సుడంటే వాన్దేరా మావా!

1. అంశమంతుడు = అదృష్టవంతుడు (విజయ్‌గాడెంత అంశమంతుడ్రా.. మన్తో గోళీకాయలాడినోడు ఇప్పుడేకంగా సైన్మా పిల్లనే పెండ్లి జేసుకుండు. సుడంటే వాన్దేరా మావా!)

2. ఒమ్ముడు = ఒదగడం, సరిపోవడం, కుదరడం (నీ ముక్కెర ముక్కుకెంత చక్కగా ఒమ్మింది.
దిష్టి దీయించుకో బిడ్డా..)

3. అక్కెర = అవసరం (అక్కెర (అక్కర)కు రాని చుట్టము, అక్కెరకు రాని దోస్తానా ఎందుకు?

4. రెక్కలు సల్లగుండుడు = ఆరోగ్యంగా ఉండటం (నా రెక్కలు సల్లగుంటే.. నీ లచ్చ రూపాయల బాకీ పెద్దలెక్క గాదు. ఒంట్ల బాలేకనే డబ్బు కడ్తలేను)

5. చెటాకు = 50 గ్రాములు (ఒంటిమీద చెటాకు కండలేదు.. ఎందుకట్ల ఒర్లుతున్నవ్‌? గుద్దితే.. మూతి గులాబ్‌జామ్‌ అయితది)