పుట్టుకకు ఏది తొలిమెట్టు?

‘నేడు సూర్యాస్తమయం సాయంత్రం 6.24 గంటలు’ అని పత్రికలో చది వా. అయితే, సూర్యాస్తమయాన్ని కచ్చితంగా ఎలా నిర్వచిస్తారు? పడమటి కొండల్లోకి సూర్యు డు జారుకోడానికి సిద్ధమైన క్షణాన్ని సూర్యాస్తమయం అంటారా? లేక అప్పటివరకూ పూర్ణాకృతిలో కనిపించిన సూర్యబింబం సగం వరకు మాత్రమే కనిపించిన క్షణా న్ని సూర్యాస్తమయం గా పిలుస్తారా?

‘నేడు సూర్యాస్తమయం సాయంత్రం 6.24 గంటలు’ అని పత్రికలో చది వా. అయితే, సూర్యాస్తమయాన్ని కచ్చితంగా ఎలా నిర్వచిస్తారు? పడమటి కొండల్లోకి సూర్యు డు జారుకోడానికి సిద్ధమైన క్షణాన్ని సూర్యాస్తమయం అంటారా? లేక అప్పటివరకూ పూర్ణాకృతిలో కనిపించిన సూర్యబింబం సగం వరకు మాత్రమే కనిపించిన క్షణా న్ని సూర్యాస్తమయం గా పిలుస్తారా? లేక, పగలంతా కాంతిని ప్రసరింపజేసి అలసిపోయిన భానుడి వెచ్చటి ఆఖరి కిరణం భూమిని తడిమిన చివరి క్షణాన్ని సూర్యాస్తమయం అంటారా? దీనికి సరైన లెక్కలున్నాయా?

సూర్యోదయం, సూర్యాస్తమయానికి సరైన నిర్వచనం ఉన్నదో లేదో గానీ.. మనిషి దైనందిన జీవితంలో ఎదురయ్యే మంచి, చెడులకు, రాహుకాలం, వర్జ్యం, దుర్ముహూర్తం, అమృతకాలం వంటి విషయాలకు ఘడియ.. విఘడియలతో సహా సరైన సమయమే ఉంటుంది. అంతెందుకు, నెలచివర్లో బ్యాంకు ఖాతాలో జమయ్యే జీతం, పెట్రోల్‌ బంకుల్లో లీటర్‌ పెట్రోల్‌ కోసం చెల్లించే డబ్బు కూడా నయా పైసలతో సహా లెక్కలుంటాయి.

మనిషి చనిపోయిన సమయాన్ని కూడా సెకండ్లతో సహా మరణ ధ్రువీకరణ పత్రంలో పొందుపరుస్తారు. అయితే, మనిషి మరణాన్ని దేని ఆధారంగా ధ్రువీకరిస్తారు? ఆగిన గుండె చప్పుడును చూశా? పనిచేయకుండా స్తబ్ధుగా మారిపోయిన మెదడును చూశా? బ్రెయిన్‌ డెడ్‌ అయ్యి కోమాలోకి వెళ్లిన పేషెంట్లు ఏండ్లకేండ్లు బతుకడాన్ని చూసే ఉంటాం. గుండె ఆగిపోయిన మనుషులకు సీపీఆర్‌ చేసి బతికించిన కేసులు నిత్యకృత్యమయ్యాయి కూడా. అంతెందుకు? గుండె ఆగిపోయి, బ్రెయిన్‌ డెడ్‌ అయిన మనుషులు కూడా తర్వాత బతికిన కేసులు వైద్య చరిత్రలో అనేకం. అంటే, మరణాన్ని ధ్రువీకరించే సరైన సమయం ఏమిటో తేల్చుకోవాల్సి ఉంది.

ఇప్పుడు పుట్టుక విషయానికి వద్దాం: జనన ధ్రువీకరణ పత్రంలో తేదీ, సమయాన్ని సెకండ్లతో సహా రాస్తారు. అయితే, మనిషి పుట్టుకను ఎలా ధ్రువీకరించాలి? మాతృగర్భం నుంచి శిశువు తల తొలిసారిగా బయటకు కనిపించిన క్షణాన్ని జనన సమయంగా పరిగణించాలా? శిశువు పూర్తిగా బయటకు వచ్చినతర్వాత పుట్టిన సమయాన్ని లెక్కించాలా? లేదా భూమి మీద పడిన శిశువు తొలి శ్వాస తీసుకొన్న సమయాన్ని పుట్టిన సమయంగా భావించాలా? నేటి రోజుల్లో సిజేరియన్‌ జననాలు ఎక్కువయ్యాయి? ఈ విషయంలో జనన సమయాన్ని ఎలా తీసుకోవాలి?

ఆ పుట్టుకలోనూ మరో ప్రశ్న: నేటి జీవనశైలి, ఉరుకులు పరుగుల జీవితం, భవిష్యత్తు ప్రణాళిక వంటి కారణాలను చూపుతూ కొన్ని జంటలు సంతానాన్ని వాయిదా వేసుకోవాలనుకొంటున్నాయి. అన్నీ కుదిరాకే.. సంతానం ఆలోచనలను చేస్తున్నాయి. అయితే, ఇది మరీ ఆలస్యమైతే వయసుమీద పడి పిల్లలు కనడం ఇబ్బంది కావొచ్చు కూడా. ఈ కారణంతోనే కొన్ని జంటలు ఐవీఎఫ్‌ విధానంలో వీర్యకణాలను, పిండాలను సంరక్షించాలనుకొంటున్నాయి. అయితే, పురుషుడి నుంచి శుక్రకణాన్ని సేకరించడం, మహిళ నుంచి అండాన్ని తీసుకోవడాన్ని పుట్టుకగా భావించాలా? రెండు ఫలదీకరణం జరిగాక ఆ సమయాన్ని పుట్టుకగా అనుకోవాలా? లేక పిండం ఏర్పడ్డాక పుట్టుకగా భావించాలా? అనే మరో ప్రశ్న ఇక్కడ తలెత్తుతుంది. ఏదిఏమైనా ఒక్క 2019లోనే ఐవీఎఫ్‌ పద్దతిలో 80 లక్షల మంది శిశువులు పుట్టారని నివేదికల సారాంశం.

పుడితేనే కదా.. బతుకు ఉండేది!: కొన్ని క్లిష్టమైన డెలివరీలు జరిగే సమయంలో ‘బిడ్డ బతికే ఉందా’? అనే ప్రశ్న తరుచూ వినే ఉంటాం. పుట్టిన తర్వాతే కదా.. మనిషి బతికి ఉన్నాడా? లేదా? అనే ప్రశ్న తలెత్తేది! అంటే తల్లి గర్భంలో నుంచి శిశువు బయటకు వచ్చేకంటే ముందే మనిషి పుట్టుక మొదలైనట్టు భావించాలి.

భూమిపైన పడ్డ తర్వాతనే శిశువు పుట్టుక ప్రారంభమైనట్టు భావిస్తే, అమ్మ కడుపులో ఉన్న తొమ్మిది మాసాలు శిశువు బతికిలేనట్టేనా?? ఇదే విషయమై, అమెరికాలోని అలబామా సుప్రీంకోర్టు చీఫ్‌ జస్టిస్‌ టామ్‌ పార్కర్‌ ఇటీవల కీలక వ్యాఖ్యలు చేశారు. పురుషుడి శుక్రకణాలు, మహిళ అండంతో కలిసి ఫలదీకరణం చెంది పిండంగా మారినైట్లెతే, శిశువు పుట్టుక మొదలైనట్లేనని జడ్జి పేర్కొన్నారు. విట్రో ఫర్టిలైజేషన్‌ (ఐవీఎఫ్‌)లో భాగంగా ఘనీభవింపజేసిన పిండం గానీ, లేక గర్భస్థ పిండాన్ని గానీ నాశనం చేయడం హత్యతో సమానమేనని, పిండాన్ని రక్షించడం రాజ్యాంగపరమైన హక్కు అని న్యాయమూర్తి అభిప్రాయపడ్డారు.

(‘మిడ్‌-డే’లో రచయిత సీవై గోపీనాథ్‌ రాసిన వ్యాసానికి స్వేచ్ఛానువాదం)

కడవేర్గు రాజశేఖర్‌
83093 70601