మట్టి పొరలో పుట్టిన చరిత్ర

ఈ నేలను చూసి మురిసిపోయినం బందీ అయినా నేల కోసం పోరాడిన

ఈ నేలను చూసి మురిసిపోయినం
బందీ అయినా నేల కోసం పోరాడిన
వీరులను చూసి మురిసిపోయినం
అమరులు నెత్తురద్దిన నేల
పోరాడి సాధించుకున్న
వీరుల త్యాగాల నేల
అమ్మానాన్నలు
అడుగులేసిన నేల
అన్నం పెట్టిన నేల
ఆకలి తీర్చిన నేల
సాధించుకున్న నేలను
చతికిల పడకొడుతుండ్రు
అమరుల యాదిమరుస్తుండ్రు
పోరాడిన వీరుల చరిత్ర
మట్టిలో కలిపేయచూస్తుండ్రు
మట్టి పొరలో నుంచి
పుట్టుకొచ్చిన చరిత్రలు
తుడిచేస్తే తుడుచుకుపోవడానికి
మట్టిలో రాసుకున్న అక్షరాలు కావు
మహనీయుల చరిత్ర
వీరుని చరిత్ర వీరునికే దక్కుతుంది
త్యాగధనుల చరిత్ర
త్యాగధనునికే ఉంటుంది
అమరుల చరిత్ర
అమరులకే దక్కుతుంది
ఎవ్వరు చెరిపినా
చెరగని చరిత్రలుగా మిగిలిపోతాయి
మట్టి పొరలో పుట్టిన చరిత్రలు

దేవరపాగ కృష్ణయ్య
99634 49579