న్యూఢిల్లీ : గర్భాశయం లేకుండా జన్మించిన అమెరికన్ మహిళ అమండ గ్రునెల్ ఈ ఏడాది మార్చిలో ఆరోగ్యంగా ఉన్న ఆడ శిశువుకు జన్మనిచ్చారు. గర్భాశయ మార్పిడి ద్వారా తల్లిని కావాలనే అమండ కల నెరవేరింది. అమెరికాలోని ఉథావ్కు చెందిన అమండ(32) 17 ఏండ్ల వయసులో పీరియడ్స్ రాకపోవడంతో చెకప్కు వెళ్లిన క్రమంలో తనకు గర్భాశయం లేదనే విషయం తెలిసి షాక్కు గురైంది. గర్భాశయ మార్పిడితోనే తనకు పిల్లలు కలుగుతారని వైద్యులు చెప్పారని ఆమె గుర్తుచేసుకున్నారు. స్నేహితుల సూచనతో గర్భాశయ మార్పిడి కోసం అమండ క్లీవ్ల్యాండ్ క్లినిక్ గర్భాశయ మార్పిడి ట్రయల్ ప్రోగ్రాంలో తన పేరు రిజిస్టర్ చేసుకున్నారు.
అదే సమయంలో ఆమె తల్లి ఒవేరియన్ క్యాన్సర్ బారినపడటంతో అమండను కష్టాలు చుట్టుముట్టాయి. తన కూతురికి సంతానం కలిగితే చూసి మురిసిపోవాలని ఆమె తల్లి కోరుకుంది. వారి ఆకాంక్షలు ఫలించడంతో మరణించిన మహిళ గర్భాశయాన్ని అమండకు విజయవంతంగా వైద్యులు అమర్చారు. ఐవీఎఫ్ ప్రక్రియ ద్వారా అమండ ఆరోగ్యంగా ఉన్న బిడ్డకు జన్మనిచ్చింది. గ్రేసీ అనే పేరుతో బిడ్డను అమండ అక్కున చేర్చుకుంది. పుట్టిన సమయంలో బేబీ గ్రేసీ ఆరు పౌండ్ల 11 ఔన్సుల బరువుతో ఆరోగ్యంగా ఉందని వైద్యులు తెలిపారు.