Visit:
Collector Ashish Sangwan | పెద్ద కొడప్ గల్, జులై 2 : కామారెడ్డి జిల్లా పెద్ద కొడప్ గల్ మండలంలోని మండలంలోని బూరుగుపల్లి గ్రామాన్ని గురువారం కామారెడ్డి కలెక్టర్ ఆశిష్ సంగ్వాన్ సందర్శించారు. ఇందిరమ్మ ఇండ్ల లబ్ధిదారులతో కలిసి భూమి పూజ నిర్వహించి, మంజూరైన ఇండ్ల పత్రాలను అందజేశారు. ఇందిరమ్మ ఇండ్లను ప్రారంభించారు. అనంతరం నిర్మాణంలో ఉన్న ఇళ్లను పరిశీలించి పనుల పురోగతిని తెలుసుకున్నారు.
లబ్ధిదారులను నేరుగా కలిసి నిర్మాణంలో ఎదురవుతున్న సమస్యలను అడిగి తెలుసుకుని, వాటి పరిష్కారానికి సంబంధిత అధికారులకు అవసరమైన సూచనలు చేశారు. సమూదార్ తాండ గ్రామపంచాయతీ పరిధిలోని మనసారా తండాకు వెళ్లే రోడ్డు, చావుని తండా వెళ్లే రోడ్డు, క్యూబా నాయక్ తండాలో అంగన్వాడీ భవనం, పాఠశాల భవనాల నిర్మాణం కోసం నిధులు మంజూరు చేయాలని ఆయా గ్రామాల సర్పంచులు కలెక్టర్ దృష్టికి తీసుకెళ్లారు. ఈ కార్యక్రమంలో అధికారులు నాయకులు తదితరులు పాల్గొన్నారు.
