ఢిల్లీ డెవలప్‌మెంట్‌ అథారిటీలో జూనియర్‌ ఇంజినీర్‌ పోస్టులు

DDA | ఢిల్లీ డెవలప్‌మెంట్‌ అథారిటీ (DDA) వివిధ విభాగాల్లో ఖాళీగా ఉన్న పోస్టుల భర్తీకి నోటిఫికేషన్‌ విడుదల చేసింది. ఆసక్తికలిగినవారు వచ్చేనెల 10 వరకు ఆన్‌లైన్‌లో దరఖాస్తు చేసుకోవచ్చు.

న్యూఢిల్లీ: ఢిల్లీ డెవలప్‌మెంట్‌ అథారిటీ (DDA) వివిధ విభాగాల్లో ఖాళీగా ఉన్న పోస్టుల భర్తీకి నోటిఫికేషన్‌ విడుదల చేసింది. ఆసక్తికలిగినవారు వచ్చేనెల 10 వరకు ఆన్‌లైన్‌లో దరఖాస్తు చేసుకోవచ్చు. మొత్తం 279 పోస్టులను భర్తీ చేస్తున్నది. ఇందులో అసిస్టెంట్‌ డైరెక్టర్‌, జూనియర్‌ ఇంజినీర్‌, ప్రోగ్రామర్‌, జూనియర్‌ ట్రాన్స్‌లేటర్‌ పోస్టులు ఉన్నాయి. ఆన్‌లైన్‌ రాతపరీక్ష ద్వారా అభ్యర్థులను ఎంపిక చేస్తున్నది.

మొత్తం పోస్టులు: 279
ఇందులో జూనియర్‌ ఇంజినీర్‌ సివిల్‌ 220, జూనియర్‌ ఇంజినీర్‌ ఎలక్ట్రికల్‌, మెకానికల్‌ 35, ప్రోగ్రామర్‌ 2, ప్లానింగ్‌ అసిస్టెంట్‌ 15, జూనియర్‌ ట్రాన్స్‌లేటర్‌ 6, అసిస్టెంట్‌ డైరెక్టర్‌ 1 చొప్పున ఖాళీలు ఉన్నాయి.

అర్హతలు: ఒక్కోపోస్టుకు ఒక్కోవిధంగా ఉన్నాయి. పీజీ డిప్లొమా, డిప్లొమా, బీటెక్‌‌, పీజీ చేసి ఉండాలి. అభ్యర్థులు 18 నుంచి 35 ఏండ్ల లోపువారై ఉండాలి.
ఎంపిక ప్రక్రియ: ఆన్‌లైన్‌ రాతపరీక్ష
దరఖాస్తు విధానం: ఆన్‌లైన్‌లో
దరఖాస్తులకు చివరితేదీ: జులై 10
రాతపరీక్ష: సెప్టెంబర్‌ నెలలో
వెబ్‌సైట్‌: www.dda.gov.in