Athletics | అథ్లెటిక్స్‌లో యంగ్‌ ఇండియా పోలీస్‌ స్కూల్‌ విద్యార్థుల ప్రతిభ

Athletics | రంగారెడ్డి జిల్లా అథ్లెటిక్స్‌ ఛాంపియన్‌షిప్‌లో యంగ్‌ ఇండియా పోలీస్‌ స్కూల్‌ విద్యార్థులు సత్తా చాటారు.

హైదరాబాద్‌ : రంగారెడ్డి జిల్లా అథ్లెటిక్స్‌ ( Athletics ) ఛాంపియన్‌షిప్‌లో యంగ్‌ ఇండియా పోలీస్‌ స్కూల్‌ ( Young India Police School ) విద్యార్థులు సత్తా చాటారు. వివిధ పరుగు, క్షేత్రస్థాయి పోటీల్లో ప్రతిభ కనబరిచి మొత్తం 9 పతకాలు సాధించారు. వీటిలో మూడు స్వర్ణాలు, మూడు రజతాలు, మూడు కాంస్య పతకాలు ఉన్నాయి.

అండర్‌-10 బాలికల విభాగంలో సీహెచ్‌ లాస్యశ్రీ 60, 200 మీటర్ల పరుగు పందాల్లో స్వర్ణ పతకాలు సాధించింది. లంక పార్వతి ఈ రెండు విభాగాల్లో రజత పతకాలు గెలుచుకుంది. అండర్‌-10 బాలికల లాంగ్‌జంప్‌లో సాన్విక గౌడ్‌ కాంస్యం, అండర్‌-12 బాలికల లాంగ్‌జంప్‌లో ఎం.అశ్విని రజత పతకం సాధించారు. అండర్‌-14 బాలికల 60 మీటర్ల పరుగులో సింధం వజ్ర వరుణవి కాంస్య పతకం గెలుచుకుంది.

బాలుర విభాగంలో అండర్‌-12 300 మీటర్ల పరుగులో సీహెచ్‌ రితేష్‌ రజతం, సీహెచ్‌ జీవన్‌ కాంస్య పతకాలు సాధించారు. విద్యార్థుల విజయాలపై పాఠశాల సిబ్బంది ,యాజమాన్యం హర్షం వ్యక్తం చేసింది. విద్యార్థుల్లో క్రీడాస్ఫూర్తి, క్రమశిక్షణ, శారీరక దారుఢ్యాన్ని పెంపొందిం చేందుకు ప్రోత్సహిస్తున్నట్లు పాఠశాల ప్రిన్సిపల్, సిబ్బంది తెలిపారు.