Visit:
Virat Kohli : భారత మాజీ కెప్టెన్ విరాట్ కోహ్లీ (Virat Kohli) రికార్డులే కాదు.. అతడి ఒంటిపై ఉన్న టాటూ(Tattoo)లు కూడా ప్రత్యేకమే. ఇప్పటికే అతడి శరీరంపై 11 పచ్చబొట్లు ఉండగా.. తాజాగా మరో టాటూకు సిద్ధమయ్యాడు విరాట్. ఇందుకోసం ఏకంగా ఐదు సెషన్లు కేటాయించాడీ స్టార్ బ్యాటర్. అయినా సరే ఆ టాట్టూ పూర్తి కాలేదు. త్వరలోనే వెస్టిండీస్ పర్యటనకు ముందు అతడు వేయించుకుంటున్న ఈ పచ్చబొట్టులో ఏం విషయం దాగుందోనని అభిమానులు ఆసక్తి కనబరుస్తున్నారు.
క్రికెటర్లు, ఫుట్బాల్ ప్లేయర్ల ఒంటిపై పచ్చబొట్లు కొత్తేమి కాదు. తమ కెరీర్లోని మధుర క్షణాలు, తమ రికార్డులు.. వరల్డ్ కప్ ట్రోఫీని టాటూగా వేయించుకునేవాళ్లు చాలామందే. టీమిండియా స్టార్ బ్యాటర్ విరాట్ కోహ్లీ కూడా టాట్టూ లవరే. ఇప్పటికే అతడి శరీరంపై 11 పచ్చబొట్లు ఉన్నాయి. ఇప్పుడు మరో టాట్టూతో అభిమానుల్లో ఆసక్తి రేపాడీ రన్ మెషీన్. ఎడమ చేతిపై టాటూ కోసం ఏకంగా ఐదు సెషన్లు కేటాయించాడు. అయినా సరే ఇంకా పూర్తి కాలేదు.
View this post on Instagram
ఇంతకూ అది ఏంటో తెలుసా.. నీటి బొట్టు తరంగాలను ప్రతిబింబించే టాట్టూ. నీటి బొట్టు పడినప్పుడు ఏర్పడే వలయాలను కోహ్లీ చేతిపై ఎంతో నేర్పుగా, ఓపికగా వేస్తున్నాడు అలెన్స్ స్టూడియోస్ ఆర్టిస్ట్. అయితే.. తాను కొత్త టాటూ వేయించుకుంటున్న విషయాన్ని టీమిండియా స్టార్ మాత్రం బహిరంగంగా వెల్లడించలేదు.
ఇటీవలే.. ఇంగ్లండ్పై లార్డ్స్ వన్డేలో అర్ధ శతకంతో మెరిసిన కోహ్లీ.. వెస్టిండీస్ పర్యటనకు సిద్ధమవుతున్నాడు. వచ్చే వన్డే ప్రపంచకప్ ఆడడమే లక్ష్యంగా పెట్టుకున్న అతడు.. కరీబియన్ గడ్డపై తన స్టయిల్లో చెలరేగాలని భావిస్తున్నాడు. ప్రస్తుతానికి 50 ఓవర్ల ఫార్మాట్లో మాత్రమే కొనసాగుతున్న 37 ఏళ్ల కోహ్లీ ఖాతాలో 54 సెంచరీలు, 79 అర్ధ శతకాలు ఉన్న విషయం తెలిసిందే.
