Viral news | ఆ ఇంట్లో రోజూ నాగుపాముల క‌ల‌క‌లం.. ఏడ వెతికినా పాము గుడ్లే..!

Viral news | సాధార‌ణంగా పాములు అప్పుడ‌ప్పుడు జ‌నావాసాల్లోకి వ‌స్తుంటాయి. కానీ ఆ ఇంట్లోకి మాత్రం రోజూ పాములు వ‌స్తున్నాయి. కేవ‌లం గ‌డిచిన వారం రోజుల వ్య‌వ‌ధిలోనే 30 పాములు వ‌చ్చాయి. ఉత్తర్‌ప్రదేశ్‌లోని బాగ్‌పత్‌ జిల్లా కహార్కా గ్రామంలోని ఇంట్లో ఈ విచిత్రం జ‌రుగుతోంది. ఆ ఇంట్లోకి పదేపదే పాములు వస్తున్నాయి.

Viral news : సాధార‌ణంగా పాములు అప్పుడ‌ప్పుడు జ‌నావాసాల్లోకి వ‌స్తుంటాయి. కానీ ఆ ఇంట్లోకి మాత్రం రోజూ పాములు వ‌స్తున్నాయి. కేవ‌లం గ‌డిచిన వారం రోజుల వ్య‌వ‌ధిలోనే 30 పాములు వ‌చ్చాయి. ఉత్తర్‌ప్రదేశ్‌ (Uttarpradesh) లోని బాగ్‌పత్‌ జిల్లా (Bagpath district) కహార్కా గ్రామంలోని ఇంట్లో ఈ విచిత్రం జ‌రుగుతోంది. ఆ ఇంట్లోకి పదేపదే పాములు వస్తున్నాయి. ఆ ఇంటి ఆవరణలోనే ఎడాపెడా గుడ్లు పెడుతున్నాయి. దాంతో ఆ ఇంటివాళ్ల‌తోపాటు ఇరుగుపొరుగున ఉన్నావాళ్లు కూడా తీవ్ర ఆందోళన చెందుతున్నారు.

కపిల్‌ త్యాగి అనే ఆ వ్యక్తి ఇంట్లోకి గ‌డిచిన ఎనిమిదేండ్ల నుంచి త‌ర‌చూగా పాములు వ‌స్తున్నాయి. గత వారం రోజులుగా వాటి సంఖ్య బాగా పెరిగింది. ఏడు రోజుల్లోనే సుమారు 30 పాములు వ‌చ్చాయి. అట‌వీ సిబ్బంది వాటిని పట్టుకుని అడవిలో విడిచిపెట్టారు. ఇవన్నీ నాగుపాములు కావడంతో కపిల్‌ తన నివాసాన్ని తవ్వించాలనే నిర్ణయానికి వచ్చారు. అలా తవ్వుతుండగా ఇంటి ప‌రిస‌రాల్లో దాదాపు 100 పాముగుడ్లు బయటపడ్డాయి. ఈ క్ర‌మంలో క‌పిల్ కుటుంబం భ‌యంతో రాత్రిళ్లు నిద్ర‌కూడా స‌రిగా పోకుండా బిక్కుబిక్కుమ‌ని గ‌డుపుతున్నారు.

ఈ ఇంటిని జిల్లా అటవీ అధికారి వినోద్‌ కుమార్‌ పరిశీలించారు. తాము అండ‌గా ఉంటామ‌ని హామీ ఇస్తూనే అప్ర‌మ‌త్తంగా ఉండాల‌ని సూచించారు.