నిరుద్యోగి ఆత్మహత్య

ఉద్యోగం దొరక్క ఓ నిరుద్యోగి ఆత్మహత్య చేసుకున్నాడు. మెడికల్‌ ల్యాబ్‌ టెక్నీషియన్‌ కోర్సు చేసి, ఉపాధి వేటలో ఓడిపోయి తనువు చాలించాడు.

• ఉద్యోగం దొరక్క మనస్తాపం
• కరీంనగర్‌ జిల్లాలో విషాదం

తిమ్మాపూర్‌, నవంబర్‌ 6: ఉద్యోగం దొరక్క ఓ నిరుద్యోగి ఆత్మహత్య చేసుకున్నాడు. మెడికల్‌ ల్యాబ్‌ టెక్నీషియన్‌ కోర్సు చేసి, ఉపాధి వేటలో ఓడిపోయి తనువు చాలించాడు. పోలీసులు, గ్రామస్తులు తెలిపిన వివరాల ప్రకారం.. కరీంనగర్‌ జిల్లా తిమ్మాపూర్‌ మండలం మన్నెంపల్లికి చెందిన బూడిద నితిన్‌ (23) ఎంఎల్‌టీ పూర్తిచేశాడు. ఈ క్రమంలో జాబ్‌ కోసం పలు దవాఖానల చుట్టూ తిరిగినా ఉద్యోగం దొరక్కపోవడంతో మనోవేదనకు గురయ్యాడు. జీవితంపై విరక్తి చెందిన ఆయన ఇంట్లో ఎవరూ లేని సమయంలో ఉరేసుకుని ఆత్మహత్య చేసుకున్నాడు. నితిన్‌ తండ్రి రమేశ్‌ ఫిర్యాదు మేరకు కేసు నమోదు చేసి, దర్యాప్తు చేస్తున్నట్టు ఎల్‌ఎండీ ఎస్సై అరుణ్‌ తెలిపారు.