తెలంగాణ షూటింగ్‌ షురూ

తెలంగాణ స్టేట్‌ షూటింగ్‌ చాంపియన్‌షిప్‌ పోటీలు గచ్చిబౌలి శాట్‌ షూటింగ్‌ రేంజ్‌లో శనివారం మొదలయ్యాయి. నేషనల్‌ రైఫిల్‌ అసోసియేషన్‌ ఆఫ్‌ ఇండియా వైస్‌ ప్రెసిడెంట్‌, తెలంగాణ రైఫిల్‌ సంఘం అధ్యక్షుడు అమిత్‌ సంఘి తొలి షాట్‌ కాల్చి టోర్నీని ప్రారంభించారు.

హైదరాబాద్‌, ఆట ప్రతినిధి: తెలంగాణ స్టేట్‌ షూటింగ్‌ చాంపియన్‌షిప్‌ పోటీలు గచ్చిబౌలి శాట్‌ షూటింగ్‌ రేంజ్‌లో శనివారం మొదలయ్యాయి. నేషనల్‌ రైఫిల్‌ అసోసియేషన్‌ ఆఫ్‌ ఇండియా వైస్‌ ప్రెసిడెంట్‌, తెలంగాణ రైఫిల్‌ సంఘం అధ్యక్షుడు అమిత్‌ సంఘి తొలి షాట్‌ కాల్చి టోర్నీని ప్రారంభించారు. ఈ నెల 27 వరకు జరిగే ఈ పోటీల్లో 10 మీటర్ల ఎయిర్‌ రైఫిల్‌, పిస్టల్‌, ట్రాప్‌, స్కీట్‌ ఈవెంట్ల ఒలింపిక్‌, నాన్‌-ఒలింపిక్‌ విభాగాల్లో 1,500 మందికి పైగా షూటర్లు పోటీపడనున్నారు.

కనీస అర్హత స్కోరు సాధించిన షూటర్లు.. సౌత్‌ జోన్‌ షూటింగ్‌ చాంపియన్‌షిప్‌తో పాటు జాతీయ షూటింగ్‌ టోర్నీలో రాష్ట్ర జట్టుకు ఎంపికవుతారు.