Eco hill park | ఆక్వా పార్కు అంతర్జాతీయ లుక్కు.. నిర్మాణంలో పాలు పంచుకోనున్న ఇంటర్నేషనల్‌ సంస్థలు

కొత్వాల్‌గూడ ఎకో హిల్‌ పార్కు నిర్మాణ పనులు ఊపందుకోనున్నాయి. రాజేంద్రనగర్‌ ఓఆర్‌ఆర్‌ ఇంటర్‌చేంజ్‌ సమీపంలోని హిమాయత్‌సాగర్‌ జలాశయాన్ని ఆనుకొని ఉన్న కొత్వాల్‌గూడ రెవెన్యూ పరిధిలోని 85 ఎకరాల ప్రభుత్వ స్థలంలో హెచ్‌ఎండీఏ ప్రతిష్టాత్మకంగా ఎకో హిల్‌ పార్కు పనులను చేపట్టాలని నిర్ణయించిన విషయం విదితమే.

Eco hill park |  హైదరాబాద్‌లోని కొత్వాల్‌గూడలో ఎకో హిల్‌ పార్కు నిర్మాణ పనులు ఊపందుకోనున్నాయి. రాజేంద్రనగర్‌ ఓఆర్‌ఆర్‌ ఇంటర్‌చేంజ్‌ సమీపంలోని హిమాయత్‌సాగర్‌ జలాశయాన్ని ఆనుకొని ఉన్న కొత్వాల్‌గూడ రెవెన్యూ పరిధిలోని 85 ఎకరాల ప్రభుత్వ స్థలంలో హెచ్‌ఎండీఏ ప్రతిష్టాత్మకంగా ఎకో హిల్‌ పార్కు పనులను చేపట్టాలని నిర్ణయించిన విషయం విదితమే. ఇందులో భాగంగా నగరవాసులకు వినోదం, విజ్ఞానం అందించే వివిధ రకాల థీమ్‌లతో పాటు దేశంలోనే అతిపెద్ద అక్వేరియాన్ని నిర్మించనున్నారు. ఈ మేరకు అంతర్జాతీయ సంస్థల నుంచి బిడ్లు పిలిచామని హెచ్‌ఎండీఏ కమిషనర్‌ అర్వింద్‌కుమార్‌ తెలిపారు.

ఏడాది పొడవునా నిండుగా ఉండే హిమాయత్‌సాగర్‌ జలాశయాన్ని వీక్షించేందుకు వచ్చే పరిసర ప్రాంతాల ప్రజలకు ఈ ఎకో హిల్‌ పార్కు ఆటవిడుపుగా మారుతుందని.. ఇందుకనుగుణంగా అంతర్జాతీయ స్థాయి ప్రమాణాల మేరకు నిర్మాణాలను డిజైన్‌, బిల్డ్‌ ఫైనాన్స్‌, ఆపరేట్‌ అండ్‌ ట్రాన్స్‌ఫర్‌ (డీబీఎఫ్‌ఓటీ) విధానంలో చేపడతున్నామని తెలిపారు. ప్రాజెక్టు వ్యయం సుమారు రూ.300 కోట్ల వరకు ఉంటుందని, ప్రైవేటు భాగస్వామ్యంతోనే దీన్ని చేపడుతున్నామని అర్వింద్‌కుమార్‌ పేర్కొన్నారు. ఆక్వా మెరైన్‌ పార్క్‌తో పాటు ఇతర నిర్మాణాలను ప్రభుత్వ, ప్రైవేటు భాగస్వామ్యం (పీపీపీ) విధానంలో చేపడుతామని వివరించారు.

పార్క్‌ ప్రత్యేకతలు..

• దేశంలోనే అతి పెద్ద ఆక్వా మెరైన్‌ పార్క్‌ 4.27 ఎకరాల్లో ఏర్పాటు..
• వంపుతో కూడిన టన్నెల్‌ 100 మీటర్ల పొడవు, 3.5 మీటర్ల వెడల్పుతో కూడిన నడక దారి, 180 డిగ్రీ కోణంలో వీక్షించేలా గ్లాస్‌ టన్నెల్స్‌ నిర్మాణం

విభిన్న జాతుల జలచరాలు, చేపలు..

• మంచి వ్యూ పాయింట్‌తో రెస్టారెంట్‌ నిర్మాణం
• డోమ్‌ థియేటర్‌
• 7డీ థియేటర్‌
• వర్చువల్‌ అక్వేరియం
• టచ్‌ ట్యాంక్స్‌
• కోయ్‌ ఫీడింగ్‌
• పిల్లల కోసం ఇంటరాక్టివ్‌ కియోస్క్స్‌
• ప్రాజెక్టు వ్యయం: సుమారు రూ.300 కోట్లు

బిడ్‌ వివరాలు..

• ప్రీ బిడ్‌ సందేహాల నివృత్తి – మే 26
• ప్రీ బిడ్‌ సమావేశం – మే 29
• సమావేశం నిర్వహణ – అమీర్‌పేటలోని స్వర్ణజయంతి కాంప్లెక్స్‌..
• బిడ్‌ సమర్పణ(ఆన్‌లైన్‌) – జూన్‌ 6, మధ్యాహ్నం 3.30 గంటల వరకు..
• బిడ్లు తెరిచేది – జూన్‌ 6వ తేదీ మధ్యాహ్నం 3.30 గంటల తర్వాత..