కడప జిల్లాలో పేలుడు.. తొమ్మిది మంది కూలీల దుర్మరణం

కడప జిల్లాలో పేలుడు.. తొమ్మిది మంది కూలీల దుర్మరణం | కడప జిల్లాలో ఘోర ప్రమాదం చోటు చేసుకుంది. ముగ్గురాళ్ల గనిలో పేలుడు సంభవించి పది మంది మరణించారు.

అమరావతి : కడప జిల్లాలో ఘోర ప్రమాదం చోటు చేసుకుంది. జిలిటెన్‌స్టిక్స్‌ పేలిన ఘటనలో తొమ్మిది మంది అక్కడికక్కడే మృతి చెందగా.. పలువురు గాయపడ్డారు. ఈ ఘటన శనివారం కలసపాడు మండలం మామిళ్లపల్లె శివారులోని తిరుమల కొండ సమీపంలోని బైరటీస్‌ గనుల వద్ద చోటు చేసుకుంది. బద్వేలు నుంచి ముగ్గురాళ్ల గని కోసం తీసుకువచ్చారు. అన్‌లోన్‌ చేస్తుండగా ఒక్కసారిగా ప్రమాదవశాత్తు పేలుడు సంభవించింది. పేలుడు ధాటికి మృతదేహాలు తునాతునకలై ఎగిరిపడ్డాయి. దీంతో మృతులను గుర్తించలేని పరిస్థితి నెలకొంది. అలాగే వాహనం పూర్తిగా ధ్వంసమైంది. ఈ ప్రమాదంలో గాయపడిన వారిని సమీపంలోని ఆసుపత్రికి తరలించారు. విషయం తెలుసుకున్న పోలీసులు ఘటనా స్థలాన్ని పరిశీలించారు. కేసు నమోదు చేసుకొని దర్యాప్తు చేస్తున్నారు. పేలుడు ఘటనపై ఏపీ సీఎం వైఎస్‌ జగన్మోహన్‌రెడ్డి దిగ్భ్రాంతి వ్యక్తం చేశారు. ఘటనకు గల కారణాలను ఆరా తీశారు. మృతులకు ప్రగాఢ సానుభూతి తెలిపారు. టీడీపీ అధినేత చంద్రబాబు నాయుడు సైతం మృతులకు సంతాపం ప్రకటించారు.

ఇవి కూడా చదవండి..

అబ్దుల్లాపూర్‌మెట్‌ వద్ద ప్రమాదం.. దంపతుల మృతి

భారత్‌కు ఆక్సిజన్‌ జనరేటర్లను మోసుకొస్తున్న అంటోనోవ్

చైనా సినోఫార్మ్‌ వ్యాక్సిన్‌కు WHO అనుమతి

మణిపూర్‌లో 24 గంటల కర్ఫ్యూ

తమిళనాడులో పూర్తిస్థాయి లాక్‌డౌన్‌

ఐఎన్‌ఎస్‌ విక్రమాదిత్యలో అగ్ని ప్రమాదం