తెలంగాణ ‘చంద్రయాన్‌’

చంద్రుడి మీదకు స్పేస్‌ క్రాఫ్ట్‌ని పంపించే ఓ బిగ్‌ మిషన్‌ను తెలంగాణలోని మందమర్రికి చెందిన నలుగురు యువకులు చేపడతారు. ఈ క్రమంలో వారు ఎదుర్కొనే సమస్యలను వినోదాత్మకంగా ఆవిష్కరిస్తూ రూపొందించిన చిత్రం ‘చంద్రయాన్‌'.

చంద్రుడి మీదకు స్పేస్‌ క్రాఫ్ట్‌ని పంపించే ఓ బిగ్‌ మిషన్‌ను తెలంగాణలోని మందమర్రికి చెందిన నలుగురు యువకులు చేపడతారు. ఈ క్రమంలో వారు ఎదుర్కొనే సమస్యలను వినోదాత్మకంగా ఆవిష్కరిస్తూ రూపొందించిన చిత్రం ‘చంద్రయాన్‌’. శివకుమార్‌ ధీకొండ, స్వప్న ప్రియదర్శిని, రవి శివతేజ, వంశీధర్‌ తదితరులు ప్రధాన పాత్రధారులు. శ్రీనాథ్‌ చంద్రశేఖర్‌ దర్శకత్వం వహిస్తున్న ఈ చిత్రాన్ని ప్రవీణ్‌ మొలక నిర్మిస్తున్నారు. ఈ నెల 13న విడుదలకానుంది. శుక్రవారం ట్రైలర్‌ను రిలీజ్‌ చేశారు. గూగుల్‌ సహాయంతో రాకెట్‌ తయారు చేసి స్పేస్‌లోకి పంపాలని నలుగురు యువకులు చేసే ప్రయత్నాలు, ఈ క్రమంలో ఊరిలో చోటుచేసుకునే ఓ హత్య నేపథ్యంలో ట్రైలర్‌ ఆసాంతం వినోదం, ఉత్కంఠ ప్రధానంగా సాగింది. చివరకు వారి చంద్రయాన్‌ ప్రయత్నాలు ఏ మేరకు ఫలించాయో అనే సస్పెన్స్‌తో ట్రైలర్‌ను ముగించారు.