త‌మ‌న్నా ఫ‌న్నీ వీడియో.. సోష‌ల్ మీడియాలో హ‌ల్‌చ‌ల్‌

March 27, 2021 / 02:20 PM IST

సోష‌ల్ మీడియాలో యాక్టివ్‌గా ఉండే సెల‌బ్రిటీల‌లో త‌మ‌న్నా ఒక‌రు. బాహుబ‌లి సినిమాతో ప్ర‌పంచ వ్యాప్తంగా గుర్తింపు తెచ్చుకున్న ఈ ముద్దుగుమ్మ ప్ర‌స్తుతం ప‌లు క్రేజీ ప్రాజెక్ట్స్‌తో బిజీగా ఉంది. అనిల్ రావిపూడి ‘ఎఫ్ 3’తో పాటు ‘సత్యదేవ్’,‘గుర్తుందా శీతాకాలం’ సినిమాలు చేస్తుంది. మ‌రోవైపు వెబ్ సిరీస్‌ల‌లో కూడా న‌టిస్తుంది. అప్పుడ‌ప్పుడు సోష‌ల్ మీడియాలో ఇంట్రెస్టింగ్ వీడియోలు షేర్ చేస్తూ వినోదాన్ని పంచుతుంది.

తాజాగా త‌మ‌న్నా త‌న సోష‌ల్ మీడియాలో ఫ‌న్నీ వీడియో ఒక‌టి షేర్ చేసి ఫ్యాన్స్‌కు మాంచి కిక్ ఇచ్చింది. షూటింగ్‌ సెట్‌లో ఖాళీగా ఉన్న సమయంలో తీసుకున్న ఓ ఫన్నీ వీడియోను ఇన్‌స్టాగ్రామ్‌లో శనివారం షేర్‌ చేసి అభిమానులను సర్‌ప్రైజ్‌ చేసింది. ఈ వీడియోలో మూతికి మీసం పెట్టుకుని తమన్నా పాట పాడుతున్న వీడియో నెటిజ‌న్స్‌ను ఎంత‌గానో అల‌రిస్తుంది. . దీనికి ‘టాకింగ్‌ మాణిక్కం, వాకింగ్‌ మాణిక్కం, సింగింగ్‌ మాణిక్కం’ అంటూ కామెంట్ పెట్టింది.