Sivakarthikeyan | షూటింగ్‌లోనే దర్శకుడికి ఖరీదైన బహుమతి.. శివకార్తికేయన్ మంచి మనసుపై నెటిజన్ల ప్రశంసలు!

Sivakarthikeyan | తమిళ కథానాయకుడు శివకార్తికేయన్ మరోసారి తన మంచి మనసుతో అభిమానుల ప్రశంసలు అందుకుంటున్నారు. ప్రస్తుతం ఓ కొత్త సినిమా చిత్రీకరణలో బిజీగా ఉన్న ఆయన.. ఆ సినిమా దర్శకుడికి ఖరీదైన బహుమతి ఇచ్చి సర్‌ప్రైజ్ చేశారు. సాధారణంగా సినిమా విజయవంతమైన తర్వాత చిత్రబృందానికి నటీనటులు, నిర్మాతలు బహుమతులు అందిస్తుంటారు.

Sivakarthikeyan | తమిళ కథానాయకుడు శివకార్తికేయన్ మరోసారి తన మంచి మనసుతో అభిమానుల ప్రశంసలు అందుకుంటున్నారు. ప్రస్తుతం ఓ కొత్త సినిమా చిత్రీకరణలో బిజీగా ఉన్న ఆయన.. ఆ సినిమా దర్శకుడికి ఖరీదైన బహుమతి ఇచ్చి సర్‌ప్రైజ్ చేశారు. సాధారణంగా సినిమా విజయవంతమైన తర్వాత చిత్రబృందానికి నటీనటులు, నిర్మాతలు బహుమతులు అందిస్తుంటారు. కానీ సినిమా ఇంకా చిత్రీకరణ దశలో ఉండగానే దర్శకుడికి ప్రత్యేక కానుక ఇవ్వడం ఇప్పుడు చర్చనీయాంశంగా మారింది. శివకార్తికేయన్ చివరిగా ‘పరాశక్తి’ చిత్రంలో కనిపించారు. ఆ సినిమా తర్వాత జాతీయ పురస్కార గ్రహీత, ‘పార్కింగ్’ చిత్ర దర్శకుడు రామ్‌కుమార్ బాలకృష్ణన్ దర్శకత్వంలో ఓ యాక్షన్ ఎంటర్‌టైనర్‌కు అంగీకరించారు. ప్రస్తుతం ఈ సినిమా చిత్రీకరణ కొనసాగుతోంది. తాత్కాలికంగా ఈ ప్రాజెక్టుకు ‘ఎస్‌కే 27’ అనే పేరు పెట్టారు.

తాజాగా శివకార్తికేయన్ తనకు ఐఫోన్ 18 ప్రోను బహుమతిగా ఇచ్చినట్లు దర్శకుడు రామ్‌కుమార్ బాలకృష్ణన్ సోషల్ మీడియా ద్వారా వెల్లడించారు. ఈ అనూహ్య కానుకతో సంతోషం వ్యక్తం చేస్తూ.. “శివకార్తికేయన్ అన్న నుంచి ఎంతో ప్రేమతో కూడిన సర్‌ప్రైజ్ అందింది. ఈ బహుమతికి ధన్యవాదాలు అన్నా. ఇది నాకు నిజంగా ఎంతో ప్రత్యేకం” అంటూ తన ఆనందాన్ని పంచుకున్నారు. సాధారణంగా సినిమా విడుదలై విజయం సాధించిన తర్వాత నటీనటులు దర్శకులు, సాంకేతిక నిపుణులు, ఇతర సభ్యులకు బహుమతులు ఇవ్వడం చూస్తుంటాం. అయితే సినిమా సెట్స్‌పై ఉండగానే దర్శకుడికి ఇలాంటి ఖరీదైన కానుక అందించడం అరుదుగా జరుగుతుంది. దీంతో శివకార్తికేయన్ చేసిన ఈ పనిపై నెటిజన్లు ప్రశంసలు కురిపిస్తున్నారు. దర్శకుడితో ఆయనకు ఉన్న సాన్నిహిత్యం, చిత్రబృందం పట్ల చూపిస్తున్న అభిమానానికి ఇది నిదర్శనమని పలువురు అభిప్రాయపడుతున్నారు.

సత్యజ్యోతి ఫిల్మ్స్ సంస్థ నిర్మిస్తున్న ఈ చిత్రంలో కయాదు లోహర్ కథానాయికగా నటిస్తున్నారు. సాయి అభ్యంకర్ సంగీతం అందిస్తున్నారు. యాక్షన్ ప్రధానంగా సాగే ఈ సినిమా చిత్రీకరణ ప్రస్తుతం శరవేగంగా జరుగుతోంది. ఈ చిత్రాన్ని 2027 ఏప్రిల్ 30న విడుదల చేయాలని చిత్రబృందం భావిస్తున్నట్లు ప్రచారం జరుగుతోంది. అయితే విడుదల తేదీపై నిర్మాతల నుంచి ఇప్పటివరకు అధికారిక ప్రకటన వెలువడలేదు. సినిమా కథ, ఇతర నటీనటులు, ప్రచార కార్యక్రమాలకు సంబంధించిన వివరాలు తెలియాల్సి ఉంది.

Got a loveable surprise from @Siva_Kartikeyan anna ❤️ Thanks for the gift na🫂 Really means a lot! 🙏✨
#SK27 https://t.co/aYmxJwJ443

— Ramkumar Balakrishnan (@ImRamkumar_B) November 2, 2026