సూపర్‌ మహిళ

వయసు మీదపడుతున్న కొద్దీ మహిళలను శారీరక, మానసిక సమస్యలు చుట్టుముడతాయి. అనేక రుగ్మతలు వెంటాడుతాయి. వీటి నుంచి తప్పించుకోవడానికి ఈ సూపర్‌ ఫుడ్స్‌ చాలా అవసరం..

వయసు మీదపడుతున్న కొద్దీ మహిళలను శారీరక, మానసిక సమస్యలు చుట్టుముడతాయి. అనేక రుగ్మతలు వెంటాడుతాయి. వీటి నుంచి తప్పించుకోవడానికి ఈ సూపర్‌ ఫుడ్స్‌ చాలా అవసరం..

పాలు: వయసు పెరిగేకొద్దీ మహిళల్లో ఎముకల సాంద్రత తగ్గుతూ వస్తుంది. ఆస్టియోపొరోసిస్‌ లాంటి
ఎముకల వ్యాధులు తీవ్రం అవుతాయి. ఆ ప్రభావాన్ని పాలు అడ్డుకుంటాయి. పాలలో క్యాల్షియం సమృద్ధిగా ఉంటుంది. ఇది ఎముకల సాంద్రత తగ్గకుండా చూస్తుంది. వయసుతోపాటు తలెత్తే వివిధ సమస్యలనూ నివారిస్తాయి.

యోగర్ట్‌: నడి వయసుకు చేరుకుంటున్న దశలో మానసిక, శారీరక వ్యాధులు చుట్టుముట్టడం సహజమే. ఇలాంటి స్థితిలో.. ఎముకల వ్యాధులు, మానసిక సమస్యలు, ప్రీ-మెనోపాజ్‌ లక్షణాల ముప్పును నివారించడానికి యోగర్ట్‌ దోహదపడుతుంది. ఇందులో క్యాల్షియం, విటమిన్‌-బి12, రిబోఫ్లేవిన్‌ పుష్కలం.

పాలకూర: పాలకూర లాంటి తాజా ఆకుకూరల్లో విటమిన్‌-సి తదితర పోషకాలు దండిగా ఉంటాయి.
పాలకూరలోని యాంటీఆక్సిడెంట్‌, ఫినాలిక్‌ మిశ్రమాలు సీరం యాంటీఆక్సిడెంట్స్‌ను పెంచుతాయి. ఫ్రీ
ర్యాడికల్స్‌ను తగ్గిస్తాయి. వయసు మీదపడటాన్ని వాయిదా వేస్తాయి.

అవిసె గింజలు: వీటిలో ఫైటో ఈస్ట్రోజెన్స్‌తోపాటు, లినోలెనిక్‌ యాసిడ్‌, విటమిన్‌-ఎ, సి, పొటాషియం లాంటి పోషక పదార్థాలు పుష్కలం. అవిసె గింజల్లో లభించే ఈస్ట్రోజెన్‌ వల్ల మహిళల శరీరంలోని వివిధ హార్మోన్లు సమతూకంలో ఉంటాయి. దీంతో వయసు పెరిగేకొద్దీ అధికం అయ్యే ప్రత్యుత్పత్తి సమస్యలు పరిష్కారం
అవుతాయి.

బ్లూ బెర్రీ: వయసు పైబడిన మహిళల్లో మతిమరుపు సమస్యను తగ్గిస్తాయి. విటమిన్‌-సి, కె, మాంగనీస్‌ లాంటి యాంటీఆక్సిడెంట్స్‌ అధికంగా ఉండటం వల్ల బ్లూ బెర్రీలు జ్ఞాపకశక్తిని, నాడుల పనితీరును మెరుగుపరుస్తాయి.