ఆసీస్‌ లక్ష్యం 288

మూడు మ్యాచ్‌ల టెస్టు సిరీస్‌లో విజేతను నిర్ణయించే మూడో టెస్టులో సౌతాఫ్రికా.. ఆస్ట్రేలియా ఎదుట 288 పరుగుల లక్ష్యాన్ని ఉంచింది. ఓవర్‌ నైట్‌ స్కోరు 140/4తో క్రీజులోకి వచ్చిన ఆ జట్టు.. నాలుగో రోజు బాగానే పోరాడింది.

కేప్‌టౌన్‌: మూడు మ్యాచ్‌ల టెస్టు సిరీస్‌లో విజేతను నిర్ణయించే మూడో టెస్టులో సౌతాఫ్రికా.. ఆస్ట్రేలియా ఎదుట 288 పరుగుల లక్ష్యాన్ని ఉంచింది. ఓవర్‌ నైట్‌ స్కోరు 140/4తో క్రీజులోకి వచ్చిన ఆ జట్టు.. నాలుగో రోజు బాగానే పోరాడింది. రికెల్టన్‌ (101), వియాన్‌ మల్డర్‌ (115) వీరోచిత శతకాలతో రెండో ఇన్నింగ్స్‌లో ఆ జట్టు 387 రన్స్‌కు ఆలౌట్‌ అయింది.

మొదట ఓవర్‌నైట్‌ బ్యాటర్‌ బ్రీట్జ్‌కే (43)తో ఐదో వికెట్‌కు 50 రన్స్‌ జోడించిన రికెల్టన్‌.. ఆరో వికెట్‌కు మల్డర్‌తో 154 పరుగులు జతచేయడం విశేషం. అయితే రికెల్టన్‌ నిష్క్రమణ తర్వాత ఆ జట్టు కుప్పకూలింది. ఆట చివరిరోజు ఆసీస్‌ లక్ష్యాన్ని సాధిస్తుందా? లేక సఫారీ బౌలర్లు కంగారూలను కట్టడిచేస్తారా? అన్నది ఆసక్తికరం.