నా జీవితంలో అత్యంత బలహీన క్షణాలవే

బాలీవుడ్‌ మిస్టర్‌ పర్‌ఫెక్ట్‌ ఆమీర్‌ఖాన్‌ భావోద్వేగానికి లోనయ్యారు. ఇటీవల ఓ అంతర్జాతీయ సినీ ఉత్సవంలో పాల్గొన్న ఆయన సుదీర్ఘమైన తన సినీ ప్రయాణాన్ని నెమరువేసుకున్నారు.

బాలీవుడ్‌ మిస్టర్‌ పర్‌ఫెక్ట్‌ ఆమీర్‌ఖాన్‌ భావోద్వేగానికి లోనయ్యారు. ఇటీవల ఓ అంతర్జాతీయ సినీ
ఉత్సవంలో పాల్గొన్న ఆయన సుదీర్ఘమైన తన సినీ ప్రయాణాన్ని నెమరువేసుకున్నారు. ‘మీ కెరీర్‌లో
అత్యంతగా బలహీనంగా భావించిన క్షణాలేంటి?’ అని ఓ విలేకరి అడగ్గా.. ‘కోవిడ్‌ టైమ్‌.. ప్రపంచం అంతా
ఒకేచోట లాక్‌ అయిపోయిన ఆ క్షణాలు, నా జీవితంలోనే అత్యంత బలహీనమైన క్షణాలు. నా ఆలోచనల్లో
మార్పు కూడా అప్పుడే సంభవించింది.

దశాబ్దాల పాటు విశ్రాంతి లేకుండా పనిచేశాను. ఎవరైనా ఓ అయిదారేళ్లు ఆలుపు లేకుండా పనిచేయొచ్చు. కానీ ఏళ్ల తరబడి పనిచేస్తే కుటుంబంతో గడపాల్సిన విలువైన సమయాన్ని కోల్పోతాం. ఈ రోజు నా పిల్లలు పెద్దవాళ్లయ్యారు. నిజానికి వాళ్ల ఎదుగుదల నేను చూడలేదు. నాకు తెలియకుండానే వాళ్లు పెరిగి పెద్దవారయ్యారు. అందుకే వాళ్లను చూసినప్పుడల్లా ఏదో కోల్పోయిన బాధ కలుగుతోంది. నిజానికి ఇప్పటికీ నేను బిజీనే. కానీ నా అంతట నేనే పని తగ్గించుకున్నా. గత నాలుగైదేళ్లుగా కుటుంబం కోసమే ఎక్కువ సమయాన్ని కేటాయిస్తున్నా’ అంటూ భావోద్వేగానికి లోనయ్యారు ఆమిర్‌ఖాన్‌.