Uttar Pradesh | యూపీలో మంట‌ల్లో చిక్కుకున్న కారు.. చిన్నారి స‌హా ఆరుగురు స‌జీవ‌ద‌హ‌నం

Uttar Pradesh | ఉత్తరప్రదేశ్‌లో ఘోర రోడ్డు ప్ర‌మాదం(Road accident) చోటుచేసుకుంది. కారు(Car accident) క‌రెంట్ పోల్‌ను ఢీకొట్టి మంటలు చెలరేగడంతో ఓ చిన్నారి సహా ఆరుగురు సజీవ దహన‌మ‌య్యారు.

Uttar Pradesh | ఉత్తరప్రదేశ్‌లో ఘోర రోడ్డు ప్ర‌మాదం(Road accident) చోటుచేసుకుంది. కారు(Car accident) క‌రెంట్ పోల్‌ను ఢీకొట్టి మంటలు చెలరేగడంతో ఓ చిన్నారి సహా ఆరుగురు సజీవ దహన‌మ‌య్యారు. ఈ విషాద‌క‌ర సంఘ‌ట‌న ముజఫర్‌నగర్ జిల్లాలోని పానిపట్-ఖతిమా జాతీయ రహదారి జగహేరి సమీపంలో చోటు చేసుకుంది. పోలీసులు తెలిపిన వివ‌రాలు ఇలా ఉన్నాయి. సోమవారం ఉదయం అతివేగంగా వస్తున్న కారు రోడ్డు పక్కన ఉన్న వేగంగా దూసుకెళ్తున్న కారు అదుపుతప్పి విద్యుత్ స్తంభాన్ని, డివైడర్‌ను బలంగా ఢీకొట్టి బోల్తా పడింది. ప్రమాదం జరిగిన వెంటనే కారులో భారీగా మంటలు చెలరేగాయి. త‌ప్పించుకునే అవ‌కాశం లేక‌పోవ‌డంతో అందులో ప్రయాణిస్తున్న ఒక చిన్నారి సహా ఆరుగురు వ్యక్తులు కారులోనే చిక్కుకుపోయి సజీవదహనమయ్యారు.

స‌మాచారం అందుకున్న పోలీసులు సంఘ‌ట‌న స్థ‌లానికి చేరుకొని స‌హాయ‌క చ‌ర్య‌లు చేప‌ట్టారు. కారులోని మృతదేహాలను వెలికితీసి పోస్ట్‌మార్టం నిమిత్తం ప్ర‌భుత్వ ద‌వాఖాన‌కు త‌ర‌లించారు. కేసు న‌మోదు చేసుకొని ద‌ర్యాప్తు చేప‌ట్టారు.ప్రాథమిక సమాచారం ప్రకారం మృతులంతా హర్యానాలోని జింద్ లేదా హిసార్ జిల్లాకు చెందిన ఒకే కుటుంబ సభ్యులుగా పోలీసులు ప్రాథమికంగా గుర్తించారు. వీరంతా కారులో హర్యానా నుండి హరిద్వార్‌కు ప్రయాణిస్తుండగా ఈ విషాదం చోటుచేసుకుంది. మృతుల్లో 10 నుండి 12 సంవత్సరాల మధ్య వయస్సు గల ఒక బాలుడు కూడా ఉన్నాడని అధికారులు తెలిపారు.పూర్తి వివ‌రాలు తెలియాల్సి ఉంది.