Vaibhav Sooryavanshi: ఐపీఎల్ 2026 సూప‌ర్ స్ట్ర‌యిక‌ర్‌.. కొత్త కారు అందుకున్న వైభ‌వ్ సూర్య‌వంశీ

Vaibhav Sooryavanshi: ఐపీఎల్ 2026 సీజ‌న్‌లో వైభ‌వ్ సూర్య‌వంశీ.. సూప‌ర్ స్ట్ర‌యిక‌ర్ అవార్డును గెలుచుకున్నాడు. దానిలో భాగంగా అత‌నికి ఓ కారును గిఫ్ట్‌గా ఇచ్చారు. తాజాగా టాటా సియ‌ర్రా కారును అత‌ను అందుకున్నాడు. ఆ పిక్ వైర‌ల్ అవుతోంది.

పాట్నా: బ్యాటింగ్ సెన్షేష‌న్ వైభ‌వ్ సూర్య‌వంశీ(Vaibhav Sooryavanshi).. త‌న ఆట‌శైలితో అంద‌ర్నీ ఆక‌ట్టుకుంటున్న విష‌యం తెలిసిందే. అయితే ఐపీఎల్ 2026 సీజ‌న్‌లో వైభ‌వ్‌.. సూప‌ర్ స్ట్ర‌యిక‌ర్ అవార్డును గెలుచుకున్నాడు. దానిలో భాగంగా అత‌నికి ఓ కారును గిఫ్ట్‌గా ఇచ్చారు. 15 ఏళ్ల బీహారీ బ్యాట‌ర్‌.. ఐపీఎల్‌లో రాజ‌స్థాన్ రాయ‌ల్స్ త‌ర‌పున ఆడుతున్న విష‌యం తెలిసిందే. ప్ర‌స్తుతం ఇండియా జ‌ట్టుతోనూ బీజీగా ఉన్న వైభ‌వ్‌.. దీపావేళి వేళ కొత్త కారును అందుకున్నారు. సూప‌ర్ స్ట్ర‌యిక‌ర్ అవార్డు కింద అత‌నికి టాటా సియార్రా ఎస్‌యూవీ అంద‌జేశారు. ఫ్యామిలీతో క‌లిసి టాటా షోరూమ్ వెళ్లిన అత‌ను ఆ కారును స్వీక‌రించాడు.

ప‌సుపు రంగు టాటా కారును వైభ‌వ్ తీసుకున్నాడు. పేరెంట్స్‌, సోద‌రుల‌తో క‌లిసి అత‌ను ఆ కార‌ను అందుకున్నాడు. వాస్త‌వానికి వైభ‌వ్ గ్యారేజీలో గిఫ్ట్‌గా వ‌చ్చిన చాలా కార్లు ఉన్నాయి. ఐపీఎల్ 2025 సీజ‌న్‌లో కూడా సూప‌ర్ స్ట్ర‌యిక‌ర్ అవార్డు కింద వైభ‌వ్ కు టాటా క‌ర్వ్ ఈవీ కారును గిఫ్ట్‌గా ఇచ్చారు. 2026 ఐపీఎల్ సీజ‌న్‌లో వైభ‌వ్ 16 మ్యాచుల్లో 776 ర‌న్స్ చేశాడు. ఆ టోర్నీ లో అత‌ను 63 ఫోర్లు, 72 సిక్స‌ర్లు బాదాడు. ఆరెంజ్ క్యాప్ గెలిచాడ‌త‌ను.