Visit:
హైదరాబాద్‌, నవంబర్‌ 29 (నమస్తే తెలంగాణ) : దేశవ్యాప్తంగా ఉన్న బొగ్గు గనులను వేలం వేయడానికి కేంద్రం సిద్ధమైంది. డిసెంబర్‌ 1 నుంచి ఆన్‌లైన్‌లో ఈ వేలం నిర్వహించబోతున్నది. ఈసారి నిర్వహించనున్న బొగ్గు గనుల్లో కనీసంగా పది గనులను దక్కించుకోవాలని సింగరేణి ప్రయత్నాలను ముమ్మరం చేసింది. వీటిలో అత్యధికంగా ఇతర రాష్ట్రాల్లో వున్నాయి.
వీటిలో అరుణాచల్‌ప్రదేశ్‌లో గ్రాఫైట్‌ లిథియం, పంజాబ్‌లో పొటాష్‌, మహారాష్ట్రలో గ్రాఫైట్‌, బాక్సైట్‌, ఒడిశాలో కాపర్‌ గనుల వేలంలో సింగరేణి పాల్గొననున్నది. రాష్ట్రం బయట ఒడిశాలోని నైనీ బొగ్గు గని దక్కించుకున్న సంస్థ.. ప్రస్తుతం ఈ గని నుంచి బొగ్గును వెలికితీత ఇప్పటికే ప్రారంభించింది.
